బాలీవుడ్ కత్తివీరుడు?

సౌత్‌లో అటు హీరో విజయ్ నటించిన కత్తి.. ఇటు తెలుగులో మెగాస్టార్ చిరంజీవి హీరోగా నటించిన ఖైదీ నంబర్ 150 చిత్రాలు సంచలన విజయం సాధించిన విషయం తెలిసిందే. సంచలన దర్శకుడు మురుగదాస్ దర్శకత్వంలో ఆయనే కథ అందించిన ఈ సినిమా ఇప్పుడు బాలీవుడ్‌లోకి వెళ్లనుంది. ఈ సినిమా హక్కులను ప్రముఖ బాలీవుడ్ దర్శక నిర్మాత సంజయ్ లీలాబన్సాలీ తీసుకున్నారు. ఆయన నిర్మించే ఈ సినిమాలో హీరో ఎవరనే విషయంపై సర్వత్రా ఆసక్తినెలకొన్న విషయం తెలిసిందే. ఈ కత్తి రీమేక్‌లో హీరో ఎవరనే విషయంలో పలువురు హీరోల పేర్లు వినిపించాయి. అందులో అక్షయ్‌కుమార్, రణవీర్‌సింగ్, సల్మాన్‌ల పేర్లు వినిపించాయి. ఫైనల్‌గా కత్తివీరుడు ఎవరో తెలిసింది. ఆయన ఎవరోకాదు రణ్‌వీర్‌సింగ్. సంజయ్‌లీలా బన్సాలీ సొంత హీరోగా ఇమేజ్ తెచ్చుకున్న రణ్‌వీర్‌సింగ్‌తోనే ఈ సినిమా తెరకెక్కిస్తారట. ఇప్పటికే ప్రీప్రొడక్షన్ పనులు జరుపుకుంటున్న దీనికి దర్శకుడు ఎవరనే విషయం తెలియాల్సి వుంది.