ఇది మరపురాని విజయం

S ,7 à 8 RSCA (si SASPAS) et 6 cialis pharmacie cialis rapports de stage.

యువ సామ్రాట్ నాగచైతన్య, అను ఇమ్మాన్యుయేల్ జంటగా మారుతి దర్శకత్వంలో ఎస్.రాధాకృష్ణన్ (చినబాబు) సమర్పణలో నాగవంశీ . ఎస్, పి.డి.వి.ప్రసాద్‌లు సంయుక్తంగా సితార ఎంటర్‌టైన్‌మైంట్స్ బ్యానర్‌పై నిర్మించిన ఫ్యామిలీ ఎంటర్‌టైనర్ శైలజారెడ్డి అల్లుడు. ఈ చిత్రం వినాయక చవితి సందర్భంగా ఈనెల 13న ప్రపంచ వ్యాప్తంగా విడుదలై మొదటిరోజు 12 కోట్లు వసూలుచేయడమే కాకుండా, మూడు రోజులకి దాదాపు 23 కోట్ల రూపాయలు వసూలుచేసి పీపుల్స్ బ్లాక్‌బస్టర్‌గా నిలిచింది. ఈ చిత్రం ప్రేక్షకుల ఆదరణతో బాక్సాఫీస్‌వద్ద యువ సామ్రాట్ నాగచైతన్య, మారుతి కాంబినేషన్‌లో రికార్డు కలెక్షన్లు వసూలుచేయబోతున్న సందర్భంలో చిత్ర యూనిట్ ఏర్పాటుచేసిన థ్యాంక్స్ మీట్‌లో యువ సామ్రాట్ నాగచైతన్య, అను ఇమ్మాన్యుయేల్ మారుతి, నరేష్, 30 ఇయర్స్ పృథ్వీ, సినిమాటోగ్రాఫర్ నిజార్ షఫీ, నిర్మాత నాగవంశీ పాల్గొన్నారు. ఈ సందర్భంగా నాగచైతన్య మాట్లాడుతూ.. ఫస్ట్ తెలుగు ప్రేక్షకులందరికీ నా ప్రత్యేక ధన్యవాదాలు. మా శైలజారెడ్డి అల్లుడుకి మంచి ఓపెనింగ్ ఇచ్చారు. మొదట ఈ కలెక్షన్స్ చూసినప్పుడు నమ్మలేకపోయాను. మరపురాని విజయమిది. ముఖ్యంగా వౌత్ టాక్‌ని చాలా పాజిటివ్‌గా స్ప్రెడ్ చేసిన వారందరికీ, చేస్తున్న వారందరికీ థ్యాంక్యూ సోమచ్. నాకు ఈ సినిమాకి వచ్చిన బెస్ట్ కాంప్లిమెంట్ నా లుక్ చాలా ఫ్రెష్‌గా డిఫరెంట్‌గా కనిపిస్తున్నానని అలానే బాడీ లాంగ్వేజ్ చాలా ఎనర్జిటిక్‌గా వుందని అంటున్నారు. ఒక నటుడికి ఇదే బెస్ట్ కాంప్లిమెంట్ థ్యాంక్యూ మారుతిగారు. నా కెరియర్‌లో మంచి హిట్ కావాలి అన్నప్పుడు ప్రేమమ్ చిత్రం ఇచ్చారు. ఇప్పుడు శైలజారెడ్డి అల్లుడు ఇచ్చారు. నిర్మాతలకు థ్యాంక్యూ. అలాగే హీరోయిన్ అను చాలా బాగా చేసింది, నరేష్‌గారితో 100 లవ్ నుండి మంచి సహకారం వుంది, నిజార్ సినిమాటోగ్రఫీ బాగుంది. పృథ్వీగారి గురించి చాలా మంచి కామెంట్స్ వస్తున్నాయి. మాణిక్యంగా చాలా బాగా చేశారు. ఈ సినిమాని ఇలానే ఆదరించాలని దీనికి సహకరిస్తున్న మీడియా వారికి నా ప్రత్యేక ధన్యవాదాలు అన్నారు. దర్శకుడు మారుతి మాట్లాడుతూ.. శైలజారెడ్డి అల్లుడిని తెలుగు ప్రేక్షకులు వాళ్ళ ఇంటి సొంత అల్లుడిలా ఆదరిస్తున్నారు. మొదటిరోజు కలెక్షన్లు కాని ఈ మూడురోజులు కలెక్షన్లు కాని మాకు చాలా ఆనందాన్ని ఎనర్జీని ఇచ్చాయ. అక్కినేని ఫ్యాన్స్ అందరూ నాకు సూపర్ ఎనర్జీని ఇచ్చారు.. ఈ జోనర్‌కు ముఖ్యంగా యూత్ కూడా వచ్చి అప్రిసియేట్ చేశారు. ఫ్యామిలీస్ సినిమా బాగుందని ఫోన్స్ చేస్తున్నారు. నా గత చిత్రాలకంటే బాగుందన్నారు. టీం అందరికీ చాలా చాలా థ్యాంక్స్ చెప్పాలి. చైతన్యగారి కెరీర్‌లో బెస్ట్ ఓపెనింగ్ రావడం.. అది నా సినిమాతో రావడం చాలా హ్యాపీగా ఉంది. ఆయనతో మరో సినిమా చేయాలనేంత ఎనర్జీ ఇచ్చారు. నా సినిమాలో నటించిన అందరికీ థ్యాంక్స్. ఈ సినిమా విజయం నాలో మరింత బాధ్యత పెంచింది. సితార ఎంటర్‌టైన్‌మెంట్‌కి నా థ్యాంక్స్. మా హీరో నాగచైతన్య గారికి, అను గారికి మా శైలజారెడ్డి రమ్యకృష్ణ మేడమ్‌కి నా స్పెషల్ థ్యాంక్స్.. ఈ చిత్రాన్ని ఇలానే ఆదరించాలని కోరుకుంటున్నా అన్నారు. అను ఇమ్మాన్యుయేల్ మాట్లాడుతూ.. ముందు ప్రేక్షకులకి థాంక్స్ చెప్పాలి. ఈ సక్సెస్ మీట్‌కి కారణం మీరు. శైలజారెడ్డి అల్లుడు దర్శకుడు మారుతికి, హీరో నాగచైతన్యకు చాలా చాలా థాంక్స్. సినిమా చూడని వాళ్లు థియేటర్‌కి వెళ్లి తప్పకుండా చూడండి అని అన్నారు. నటుడు పృథ్వీ మాట్లాడుతూ.. సినిమా థియేటర్లో చూశాను. జనాలు ఫుల్ ప్యాక్‌డ్‌గా ఉన్నారు. డైరెక్టర్ మారుతి ఎంత కష్టపడ్డాడో నాకు తెలుసు. అన్ని రకాలుగా ప్రేక్షకులు బ్రహ్మరథం పడుతున్నారు అని అన్నారు. సినిమాటోగ్రాఫర్ నిజార్ షఫి మాట్లాడుతూ.. అందరికీ సినిమా నచ్చిందంటున్నారు. థాంక్స్ టూ మారుతిగారు, వంశీ గారు. ఈ టీంతో వర్క్ చేయడం చాలా హ్యాపీగా ఉంది అని అన్నారు.
సీనియర్ నటుడు నరేష్ మాట్లాడుతూ.. శైలజారెడ్డి అల్లుడు సూపర్‌హిట్ శుభాకాంక్షలు. పీపుల్స్ డైరెక్టర్ మారుతికి కంగ్రాట్స్. అందరికీ పల్స్ క్యాప్చర్ చేసిన ఈ జెనరేషన్ డైరెక్టర్. నాగచైతన్య లవర్ బాయ్ రోల్స్ అద్భుతంగా చేస్తూ.. కుటుంబ కథాచిత్రాల కథానాయకుడిగా హయ్యెస్ట్ గ్రాసర్ సొంతం చేసుకున్నాడు. రమ్యకృష్ణకు హ్యాపీబర్త్‌డే. సితార ఎంటర్‌టైన్‌మెంట్స్, హారిక హాసిని సంస్థలతో నాకు మంచి రిలేషన్ ఉంది. వరుసగా హిట్స్ అందిస్తున్నారు అన్నారు.