భక్తి కథలు
లేదు మరణం
S ,7 à 8 RSCA (si SASPAS) et 6 cialis pharmacie cialis rapports de stage.
జాతస్యహి ధృవో మృత్యుః ధ్రువం జన్మ మృతస్యచ
తస్తాద పరిహార్థే న త్వం శోచితుమర్హసి॥ -్భ.2-27
‘ఓ అర్జునా! పుట్టిన వారికి మరణం తప్పదు; మరణించిన వారికి పుట్టుక తప్పదు. తప్పించుకోవడానికి వీలుకాని ఈ మరణ జనన విషయంలో దుఃఖం తగదు.
ర ర ర
ఆత్మకు మరణం లేదు - శరీరమే మరణిస్తోంది. ఆత్మ మళ్లీ మళ్లీ జన్మలు తీసుకుంటోంది - పునరపి జననం - పునరపి మరణం! ఈ జీవిత సత్యాన్ని భగవద్గీతలో అత్యంత విశదంగా, సూక్ష్మంగా, స్థూలంగా, అనంతంగా బోధించారు శ్రీకృష్ణ భగవానులు. శ్రీకృష్ణుని రూపంలో మనకు తరతరాలు, యుగయుగాలు స్మృతిలో ఉంచుకోవలసిన ఆత్మజ్ఞానాన్ని, బ్రహ్మోపదేశాన్ని అందించారు జగద్గురువులైన వేదవ్యాస మహర్షి.
నేను ఆత్మస్వరూపుడిని అని తెలుసుకునే వరకూ మనిషి ఈ సంసార చక్రభ్రమణంలో మునిగితేలుతూ, మరణిస్తూ, జన్మిస్తూ ఉంటాడు. జెయింట్ వీల్ తిరుగుతున్నట్లుగా క్రిందికి మీదకు - మీదకు క్రిందకు వెళుతున్నట్లుగా శరీర విరమణ చేసిన ఆత్మ సూక్ష్మ లోకాలకు వెడుతుంది - సూక్ష్మ లోకాల్లో ఉన్న ఆత్మ శరీరధారియై భూమి మీదకు వస్తూ ఉంటుంది. వస్తూ పోతూ ఎన్నో శిక్షణలు - ఎన్నో అనుభవాలు! అనుభవమే జ్ఞానం! ఒక్కొక్క జన్మలోనూ ఉపాధులు, జన్మస్థలాలు, స్ర్తిలు, పురుషులు - మారుతూ ఉంటాయి జన్మలు సరికొత్త ఆత్మానుభవాల కోసం. స్ర్తిలు పురుషులుగా, పురుషులు స్ర్తిలుగా జన్మ తీసుకుంటారు తమతమ సంకల్పాలను బట్టి.
ఈ భూమిపైన శిక్షణలున్నాయి తప్ప శిక్షలు లేవు. భగవంతుడు సత్యసాక్షి. సర్వసాక్షి. ఒకరిపైన స్నేహం - మరొకరిపైన శత్రుత్వం లాగా ఉండదు సృష్టితత్త్వం. అన్ని రకాల జన్మలూ ఉంటాయి ప్రతి అంశాత్మకూ! ఒకరిని బానిసగా హింసించిన వాడు ఆ అనుభవం కోసం కోరి మరుజన్మలో బానిసగా జన్మ తీసుకుంటాడు. ఒకరిని చంపినవారు మరొక జన్మలో కోరుకుని జన్మ తీసుకుని చంపబడతారు మరొకరితో!
ఈ సంసార చక్రం నీటిని తోడే యంత్రంలాగా ఎడతెగక తిరుగుతూనే ఉంటుంది. ప్రకృతిలో ఏ రకంగానైతే సూర్యోదయం - సూర్యాస్తమయం నిరంతరంగా జరుగుతుంటాయో, అదే రకంగా ఈ జనన మరణాలు కూడా అనివార్యంగా జరుగుతుంటాయి. మహాప్రళయం వచ్చినపుడు ముల్లోకాలు కూడా నశించిపోతాయి అని నుడివారు ‘సంత్ జ్ఞానేశ్వర్’.
సమత్వం యోగ ఉచ్యతే! సమత్వం వచ్చేవరకు ప్రతి ఆత్మ స్వరూపం ఒకటొకటిగా అన్నీ నేర్చుకోవలసిందే. కలిమి - లేమి, బాధ - సౌఖ్యం, మానం - అవమానం, పదవిలో ఉండడం - పదవి పోవడం, గౌరవం - అగౌరవం, జననం - మరణం.. వీటన్నిటినీ సమదృష్టితో చూసే స్థితి ప్రాప్తించేవరకు అన్ని అనుభవాలు పొందవలసిందే అందరూ.
ఈ జన్మలో దుర్యోధనుడు - వచ్చే జన్మలో ధర్మరాజు. గత జన్మలో రావణుడు - ఈ జన్మలో రాముడు. అన్నీ మనమే. అంతా మనమే. ధ్యానం చేసి వేటగాడు వాల్మీకి అయ్యాడు. సాధన చేసి ఎరుకలవాడు ఏకలవ్యుడయాడు. అనుగ్రహం వల్ల కాలుడు కాళిదాసు అయ్యాడు. బోధన వల్ల అంగుళీమాలుడు బుద్ధుడయ్యాడు. ఒ (సశేషం)
Related Articles
మామూలుగా అందరిలాగే పెరిగి వుంటే జబ్బులూ, రోగాలూ, వార్ధక్యం, మరణం - ఇవన్నీ సహజంగానే ప్రతి మనిషికీ వచ్చి తీరతాయని తెలిసి వుండేది సిద్దార్థుడికి. అయితే ఒక్కసారి అంతఃపుర వాసం విసుగు పుట్టి బలవంతంగా బయటికి రథంలో వెళ్లినప్పుడు ‘మరణించిన ఒక మనిషి’ శవాన్ని చూసిన వెంటనే తన రథసారథిని అడిగాడు.
చం. పటుతరనూత్నబంధ విభవాస్పద పద్య విశేష శేముషీ
ఘటిత కళావిలాసము వికస్వర సుస్వర భాసురార్థ వా
క్పటిమ, సమన్వితమ్మయి విభాసిలు మంజుల రీతులందు వి
స్ఫుటమగు భావమై త్రిపుర సందరి మాకు ప్రసన్నమయ్యెడిన్
మీరు చెడ్డవాళ్లనో, దుర్మార్గులనో కుమిలిపోవలసిన అవసరం లేదు. మనలో పాపం చెయ్యని వారు ఎవరో చెప్పండి అని అడిగారు యేసుక్రీస్తు. ఈ భూమిపైన పరమ పవిత్రులు బహుశా ఎవ్వరూ లేరు. అందువల్ల మీరు పాపం చేశారని కుమిలిపోకండి. ఈ రోజు నుండే ఈ క్షణం నుండే మీరు మీ గురించి ఆలోచించడం మొదలుపెట్టండి.
డా.అక్కిరాజు సుందర రామకృష్ణ జగమెరిన కళాకారుడు. ఈయన కవి, నటుడు, గాయకుడు, వ్యాఖ్యాత- ఇన్ని మంచి గుణాలు ఒకే మనిషిలో ఉండటం చాలా అరుదు. హైదరాబాద్‌లో ప్రైవేటు కళాశాలలో ఆంధ్ర ఉపన్యాసకులుగా పనిచేసి, ఆంధ్రప్రదేశ్ ఉత్తమ ఉపాధ్యాయుడిగా బహుమతి తీసుకున్నారు. పద్యకవి, అధిక్షేప కావ్య రచయిత వీరు!
రాజులు సమాజ శ్రేయస్సుకోసం యజ్ఞాలు, యాగాలు చేసేవారు. తత్ఫలితంగా ఆ రాజ్యాలలో కరువు కాటకాలు లేకుండా సస్యశ్యామలంగా వుండేది.రాజు సత్పురుషుడుగా ఉండేవాడు. ఒకవేళ రాజుల్లో అపమార్గాలు కనిపిస్తే ఋషులు వానిని బాగుపరిచేవారు. దీనివల్ల ప్రజల్లో అహింసావాదం పెరిగేది.