ఫోకస్
సమర్థనీయమే కానీ..
S ,7 à 8 RSCA (si SASPAS) et 6 cialis pharmacie cialis rapports de stage.
పెద్దనోట్ల రద్దుపై ప్రధాని తీసుకున్న నిర్ణయాన్ని సమర్థిస్తున్నాం. కానీ ముందస్తు చర్యలేమీ తీసుకోకపోవడంతో కొన్ని ఇబ్బందులు ఎదురవుతున్నాయి. దేశ ప్రయోజనాల దృష్ట్యా రూ.1000, రూ.500 నోట్లు రద్దు చేయడం, నకిలీ కరెన్సీని అరికట్టగలగడమే. పెద్దనోట్ల రద్దుకు ముందే ప్రత్యామ్నాయంగా ఎటిఎం, బ్యాంకుల్లో సరిపడు కొత్త కరెన్సీని ఏర్పాటు చేసుకొని పాత కరెన్సీ రద్దు ప్రకటన చేస్తే బాగుండేది. బ్యాంకుల వద్ద గంటల తరబడి వేచి ఉండాల్సి వస్తోంది. ప్రధాని తీసుకున్న నిర్ణయంతో నల్లధనం బయటకు వస్తుందే తప్పా.. అవినీతి తగ్గదు. 20 లక్షల కోట్ల భారత కరెన్సీలో 400 కోట్ల నల్లధనం ఒక లెక్క కాదు. వెయ్యి, ఐదు వందల నోట్ల రద్దుతో నకిలీ నోట్లు చలామణి కాకుండా పోతాయి. కానీ అవినీతి రూపుమాపడానికి దోహదపడదు. పెద్దనోట్ల రద్దుపై ప్రభుత్వం స్పష్టత ఇవ్వకపోవడంతో ప్రజల్లో కొంత వ్యతిరేకత వస్తోంది. అయినప్పటికీ ప్రజలు సహనంతోనే ఉన్నారు. అయితే నల్లధనం వెలికితీయడంపై ప్రజలకు చేకూరే లాభం ఏమిటి? కరెన్సీ రద్దుతో పన్నులు తగ్గుతాయా? నిత్యావసర ధరలు తగ్గుతాయా? అనే విషయాన్ని ప్రధాని స్పష్టంగా చెప్పడం లేదు. దీంతో ప్రజల్లో ప్రధాని సానుభూతి కోల్పోయే పరిస్థితులు దాపురించాయి. డబ్బు తగ్గాలి.. పొదుపు జరగాలి.. భారత్ అవినీతి రహిత దేశంగా మారాలి. ఇక వ్యాపారాలు తగ్గాయంటే. ఇది వాస్తవమే. కానీ తాత్కాలికమే. ఏదైనా సాధించాలంటే.. ఏదో కొంత వదలాలి. అది నష్టమే కావచ్చు. లాభమే కావచ్చు. రియల్ ఎస్టేట్ వ్యాపారాలు కూడా బాగానే దెబ్బతిన్నాయి. దీంతో దేశ ఆర్థిక పరిస్థితిని ప్రభుత్వమే చూసుకుంటుంది. సామాన్యుల స్థితిగతులు మాత్రం కొంత ఇబ్బందికరంగా ఉన్నప్పటికీ సర్దుకుపోతాయనుకుంటున్నాం. ఫారన్ ఎక్సేంజ్ కూడా తగ్గిందంటే.. నకిలీ కరెన్సీకి అడ్డుకట్ట పడిందనే చెప్పవచ్చు. అయితే కొత్త నోట్లు కూడా నకిలీవి రావని నా ఉద్దేశం కాదు. ఇప్పటికే కొన్ని ప్రాంతాల్లో ప్రభుత్వం తీసుకువచ్చిన రెండు వేల రూపాయల నోట్లు కూడా అప్పుడే నకిలీ వయ్యాయి. ఆంధ్రా, తెలంగాణలో పలుచోట్ల నకిలీ కొత్తనోట్లు పట్టుబడ్డ సంగతి తెలిసిందే. సామాన్యులకు కలిగే బాధలను కూడా ప్రధాని నరేంద్ర మోదీ గుర్తించాలి. పేదలకు, మధ్యతరగతి వర్గాల ప్రజలకు ఎలాంటి హానీ జరగదని భరోసా ఇస్తున్న ప్రధాని స్పష్టంగా ప్రకటించాలి. పెద్దనోట్ల రద్దుతో ఇబ్బందులు పడుతోన్న పేద, మధ్యతరగతి వారికి ఎలాంటి న్యాయం చేస్తారో.. వారు నష్టపోకుండా ఎలాంటి చర్యలు తీసుకుంటారో ప్రకటించాల్సిన అవసరం ఉంది. పెద్దనోట్ల రద్దుతో నకిలీ నోట్లకు అడ్డుకట్ట వేయడంతోపాటు అవినీతి రహిత దేశంగా భారత్‌కు ఒక గుర్తింపు వస్తుందనే భావిస్తున్నాం. తాత్కాలిక ఇబ్బందులను అధిగమించాలని, కేంద్రం తీసుకున్న నిర్ణయానికి మద్దతు ఇవ్వాలని సూచిస్తున్నాం.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.