ఫోకస్
చర్చల భగ్నానికే దాడులు
S ,7 à 8 RSCA (si SASPAS) et 6 cialis pharmacie cialis rapports de stage.
పంజాబ్ పఠాన్‌కోట్‌పై జరిగిన ఉగ్రవాద దాడి హేయమైనదని, ఉగ్రవాదాన్ని నిర్దాక్షిణ్యంగా అణచివేయాలని, అదే సమయంలో పాకిస్తాన్‌తో శాంతి చర్చలకు విఘాతం కలగకుండా భారతదేశం అప్రమత్తంగా ఉండాలి. ఇప్పుడు మనం చర్చలనుంచి వైదొలిగితే, భారత్, పాకిస్తాన్ భవిష్యత్తుని ఇక ఉగ్రవాద బృందాలు నిర్ణయించడం మొదలుపెడతాయి. చర్చలను భగ్నం చేసేందుకు ఉగ్రవాదులు దాడి చేశారు. మన ప్రధాని నరేంద్ర మోదీ డిసెంబర్ 25న లాహోర్‌లో పర్యటించారు. అంతకుముందు నరేంద్ర మోదీ, నవాజ్ షరీఫ్ అంతర్జాతీయ సదస్సులో కొంతసేపు ఏకాంతంగా చర్చలు జరిపారు. మన ప్రధాని మోదీ ప్రమాణ స్వీకారోత్సవం సందర్భంగా నవాజ్ షరీఫ్ ఢిల్లీకి వచ్చారు. శాంతి చర్చల ప్రక్రియ ప్రారంభమైతే, తమ మనుగడకు, ఉనికికి భంగం వాటిల్లుతుందనే భయంతో ఉగ్రవాదులు పఠాన్‌కోట్‌పై దాడి చేశారు. ఆగ్రహాన్ని, విద్వేషాలను అశాంతిని ప్రేరేపించడానికి ఉగ్రవాదం ప్రయత్నిస్తుంటుంది. పటిష్ట భద్రత, చర్చలు, శాశ్వత పరిష్కారంతోనే మనం సమాధానం చెప్పాలి. మనుగడకోసం పాకిస్తాన్‌కు, అభివృద్ధి, ఆర్థిక అద్భుతాలకోసం భారత్‌కు శాంతి కావాలి. ఉగ్రవాదుల దాడుల విషయంలో ఎలక్ట్రానిక్ మీడియా సంయమనం పాటించాలి. యుద్ధోన్మాద భాషను అదే పనిగా ఉపయోగిస్తూ రెచ్చగొట్టడం వల్ల దేశ ప్రయోజనాలు దెబ్బతింటాయి. సహనం బలవంతుల లక్షణం. దక్షిణాసియాలో శాంతి వికసించాలంటే రెండు దేశాల మధ్య చర్చలు అవసరం. ఇరు దేశాల మధ్య సామరస్యత కుదిరితే ఉనికి ఉండదనే భయం ఉగ్రవాదులకు పట్టుకుంది. ఇరు దేశాల మధ్య చర్చలు జరుగుతాయనే సంకేతాలు వచ్చినప్పుడల్లా పాకిస్తాన్‌లోని ఉగ్రవాద సంస్ధలు ఈ తరహా దాడులకు తెగబడుతుంటాయి. వీటిని తిప్పిగొడుతూనే చర్చలకు ఇరు దేశాలు సిద్ధమైతే బాగుంటుంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.