ఫోకస్
నిరుద్యోగుల్లో ఆనందం
S ,7 à 8 RSCA (si SASPAS) et 6 cialis pharmacie cialis rapports de stage.
తెలంగాణ రాష్ట్రం ఏర్పాటు ప్రధానంగా మూడు అంశాలపై ఏర్పడ్డది. నిధులు, నీళ్లు, ఉద్యోగాలు.. ఈ అంశాలపైనే కెసిఆర్ ప్రధానంగా దృష్టి కేంద్రీకరించి ఉద్యమం నడిపించారు. రాష్ట్రం ఏర్పాటు తర్వాత ఈ మూడు అంశాలపై ముఖ్యమంత్రి ప్రత్యేక చర్యలు తీసుకుంటున్నారు. తెలంగాణ పబ్లిక్ సర్వీస్ కమిషన్‌ను ఏర్పాటు చేసి ఉద్యోగ ఖాళీల భర్తీకి చర్యలు తీసుకున్నారు. దాదాపు 1.12 లక్షల పైగా ఉద్యోగాల భర్తీ చేస్తామంటూ గతంలోనే ముఖ్యమంత్రి ప్రకటించారు. ఇందుకు అనుగుణంగా టిఎస్‌పిఎస్‌సి ఎప్పటికప్పుడు నోటిఫికేషన్లు జారీ చేస్తూనే ఉంది. కొన్ని పర్యాయాలు సాంకేతిక కారణాల వల్ల భర్తీ ప్రక్రియలో జాప్యం జరుగుతోంది. ప్రధానంగా గ్రామీణ ప్రాంతాల్లోని రైతాంగానికి చేయూత ఇచ్చేందుకు వ్యవసాయ అధికారులు (విఓలు), వ్యవసాయ విస్తరణ అధికారుల (విఇఓలు) పోస్టులను భర్తీ చేశారు. విద్య, వైద్యం, రవాణా, పోలీసు తదితర అన్ని శాఖల్లో భర్తీ ప్రక్రియ కొనసాగుతోంది. ఫకడ్బందీగా, పారదర్శకంగా భర్తీ ప్రక్రియసాగుతోంది. ప్రభుత్వంతో పాటు ప్రైవేట్ రంగంలో కూడా లక్షలాది ఉద్యోగాల భర్తీ జరుగుతోంది. పరిశ్రమలు, ఐటి శాఖ మంత్రి కె. తారకరామారావు అమెరికాతో పాటు వివిధ దేశాల్లో పర్యటిస్తూ, పారిశ్రామికవేత్తలతో చర్చలు జరుపుతున్నారు. అంతర్జాతీయంగా పేరున్న గూగుల్‌తో సహా అనేక కంపెనీలు తమ సంస్థలను హైదరాబాద్ తదితర తెలంగాణ జిల్లాల్లో ఏర్పాటు చేస్తున్నాయి. విశ్వనగరంగా హైదరాబాద్‌ను తీర్చిదిద్దుతున్నారు. చదువుకున్న యువత వ్యవసాయం చేసేందుకు అనువైన వాతావరణం కల్పించారు. ఆధునిక సాంకేతిక విజ్ఞానాన్ని గ్రామీణ ప్రజలకు అందిస్తున్నారు. పాలిహౌజ్‌ల ఏర్పాటు, మైక్రో ఇరిగేషన్ తదితర విషయాల్లో 90 శాతం సబ్సిడీతో పరికరాలను ఇస్తున్నారు. వీటిని గ్రామీణ యువత పూర్తిగా ఉపయోగించుకుని అభివృద్ది చెందాల్సి ఉంది. ప్రభుత్వం నిరుద్యోగుల కోసం ఉపాధి అవకాశాలు కల్పించేందుకు ప్రయత్నిస్తుంటే విపక్షాలు అడ్డుకుంటున్నాయి. కోర్టులకు వెళ్లి ఉద్యోగాల భర్తీ ప్రక్రియ సాగకుండా కుతంత్రాలు చేస్తున్నాయి. ఈ అంశాలన్నీ తెలంగాణ యువతీ యువకులు గమనిస్తూనే ఉన్నారు. అందుకే నిరుద్యోగ యువత యావత్తూ కెసిఆర్‌కు అండగా నిలుస్తున్నారు. కెసిఆర్ గొప్పనాయకుడిగా పేరుతెచ్చుకున్నారు. అతని సారధ్యంలో తెలంగాణ యువతకు ఉపాధి అవకాశాలు మెండుగా కలుగుతున్నాయి.
- గువ్వల బాలరాజు, అచ్చంపేట టిఆర్‌ఎస్ ఎమ్మెల్యే
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.