ఫోకస్
నిరుద్యోగ సమస్య తీరేదెలా?
S ,7 à 8 RSCA (si SASPAS) et 6 cialis pharmacie cialis rapports de stage.
నిరుద్యోగ సమస్య కొత్తది కాదు, రాష్ట్ర పబ్లిక్ సర్వీసు కమిషన్లు, స్ట్ఫా సెలక్షన్ కమిషన్, రైల్వే రిక్రూట్‌మెంట్ బోర్డులు, బ్యాంకింగ్ సర్వీసు రిక్రూట్‌మెంట్ బోర్డులు, యూనియన్ పబ్లిక్ సర్వీసు కమిషన్ నిర్ణీత వ్యవధిలో ఎన్ని రిక్రూట్‌మెంట్లు నిర్వహిస్తున్నా, లక్షలాది ఉద్యోగాలను భర్తీ చేస్తున్నా దేశంలో రోజురోజుకూ నిరుద్యోగం పెరుగుతూనేవుంది. ఒకపుడు ఉన్నత విద్యకు చేరుకున్నవారి సంఖ్య 4 శాతం మాత్రమే, అదీ వృత్తి సాంకేతిక విద్యాకోర్సులు చేసినవారి సంఖ్య ఒక్క శాతం మాత్రమే. నేడు 15 శాతం మంది ఉన్నత విద్యను అభ్యసిస్తున్నారు. వారందరికీ ఉద్యోగాలు కల్పించడం ప్రభుత్వంవల్ల కావడం లేదు. తెలంగాణ రాష్ట్రంలో, ఆంధ్రప్రదేశ్‌లో కలిపి ఉద్యోగుల సంఖ్య 9 లక్షలు. పోలీసులు, టీచర్లు, ప్రభుత్వరంగ సంస్థలు, సొసైటీలు కలిపి తెలంగాణలో ప్రభుత్వ ఉద్యోగులు సుమారు 4 లక్షలు కాగా, ఆంధ్రప్రదేశ్‌లో ఐదు లక్షల మంది ఉన్నారు. ప్రతి ఏటా రిటైరయ్యే వారి సంఖ్య 50వేలు వరకూ ఉండగా, ఆ మేరకు నియామకాలు మాత్రం జరగడం లేదు. అందరికీ ప్రభుత్వ ఉద్యోగాలు అసాధ్యమని తెలుగు రాష్ట్రాల ముఖ్యమంత్రులు అనేకమార్లు స్పష్టం చేశారు. కేవలం రాష్ట్ర పబ్లిక్ సర్వీసు కమిషన్ ద్వారా ఏటా సగటున వెయ్యి ఉద్యోగాలకు కూడా రిక్రూట్‌మెంట్ జరగడం లేదు. టీచర్లు, పోలీసుల ఉద్యోగాలు మాత్రం ఉమ్మడి రాష్ట్రంలో సగటున లక్ష నియామకాలు జరిగేవి. అవికూడా రాష్ట్ర విభజన తర్వాత అంత పెద్దఎత్తున జరగడం లేదు. ఇరు రాష్ట్రాల్లో పోలీసు నియామకాలు జరిగినా, ఉపాధ్యాయుల రిక్రూట్‌మెంట్ జరగలేదు. దీంతో చదువుకున్న యువతలో నిరాశ, నిస్పృహ పెరుగుతున్నాయి. తెలంగాణలో లక్షా 12వేల ఉద్యోగాల భర్తీకి ప్రభుత్వం కట్టుబడి ఉందని ముఖ్యమంత్రి కె చంద్రశేఖరరావు ఇటీవల అసెంబ్లీలో మరోమారు హామీ ఇచ్చారు. ఆంధ్రప్రదేశ్‌లో కూడా లక్ష ఉద్యోగాలు భర్తీ చేస్తామని ముఖ్యమంత్రి ఎన్ చంద్రబాబునాయుడు చెబుతున్నారు. ఉద్యోగాల కోసం ఎదురుచూసే బదులు ఉద్యోగాలను సృష్టించే స్థాయికి యువత ఎదగాలని ఉమ్మడి రాష్ట్రాల గవర్నర్ కార్యదర్శి హర్‌ప్రీత్ సింగ్ సూచిస్తున్నారు. ఆ దిశగా రెండు రాష్ట్రాలూ పనిచేయాలనేది రాష్ట్ర గవర్నర్ అభిలాషగా ఆయన చెబుతున్నారు. ఉద్యోగాల నియామకాలకు సంబంధించి తెలంగాణ పబ్లిక్ సర్వీసు కమిషన్ విధించిన నియమ నిబంధనలు చాలావరకూ న్యాయ సమీక్షకు గురయ్యాయి. దాంతో నియామక ప్రక్రియల్లో తీవ్రమైన జాప్యం జరుగుతోంది. ఈ క్రమంలో నిరుద్యోగ సమస్యకు పరిష్కారం ఏమిటి... నిపుణులు ఏమంటున్నారు... అదే ఈ వారం ఫోకస్.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.