ఫోకస్
2026 దాకా ఎందుకు?
S ,7 à 8 RSCA (si SASPAS) et 6 cialis pharmacie cialis rapports de stage.
దేశంలో లోక్‌సభ నియోజకవర్గాల సంఖ్యను పెంచాల్సిన అవసరం ఉంది. ప్రస్తుతం ఉన్న నియోజకవర్గాలను దేశ జనాభా 30 కోట్లు ఉన్నప్పుడు సరిహద్దులను ఖరారు చేసి ఏర్పాటు చేశారు. ప్రస్తుతం దేశ జనాభా 120 కోట్లు దాటింది. కొన్ని లోక్‌సభ నియోజకవర్గాల్లో జనాభా 50 లక్షల వరకు ఉంది. దీనివల్ల ఎంపీ అంటే ఎవరు? ఎక్కడ ఉంటారు? అనే విషయం సామాన్యులకు తెలియదు. ఎన్నికలప్పుడు మొక్కుబడిగా ఓట్లు వేయడం తప్ప, ఎంపీలకు, ప్రజలకు సంబంధం లేకుండా పోతోంది. ఇది ప్రజాస్వామ్యానికి హానికరం. ప్రజాస్వామ్య దేశంలో ఎప్పుడూ ఒకే విధానం నిరంతరంగా కొనసాగదు. కాలానుగుణంగా మారుతుండాలి. అప్పుడే ప్రజాస్వామ్యం పరిఢవిల్లుతుంది. దేశంలో నియోజకవర్గాల పుననర్విభజన విధానాన్ని 2026 వరకు స్తంభింపచేశారు. రాజ్యాంగంలోని 82వ అధికరణ ప్రకారం పార్లమెంటు డిలిమిటేషన్ చట్టం చేస్తుంది. ప్రతి జనాభా గణన తర్వాత ఈ పని జరుగుతుంది. దేశానికి స్వాతంత్య్రం వచ్చిన తర్వాత నాలుగుసార్లు మాత్రమే డిలిమిటేషన్ కమిషన్లను ఏర్పాటు చేశారు. 1952, 1962, 1972, 2002 సంవత్సరాల్లో మాత్రమే డిలిమిటేషన్ కమిషన్ చట్టాలను ఏర్పాటు చేశారు. ప్రస్తుతం కేంద్రం ఇక ఏమాత్రం నిర్లక్ష్యం చేయకుండా 2026 వరకు ఆగకుండా పార్లమెంటు నియోజకవర్గాల సంఖ్యను పెంచాలి. ఆంధ్రప్రదేశ్ పునర్విభజన చట్టం ప్రకారం కూడా ఆంధ్ర, తెలంగాణ రాష్ట్రాల్లో శాసనసభ నియోజకవర్గాలను పెంచాలి. కాని 2026వరకు డిలిమిటేషన్‌ను ఫ్రీజ్ చేశారు. పైగా ఏపీ పునర్విభజన చట్టంలో 82వ అధికరణకు లోబడి అనే పదం చేర్చారు. దీనివల్ల ఏపీ, తెలంగాణలో శాసనసభ నియోజకవర్గాలను పెంచాలంటే రాజ్యాంగ సవరణ అవసరం. లేదా నాట్ విత్ స్టాండింగ్ (సంబంధంలేకుండా) అనే పదాన్ని జోడించి కొంత సవరణ చేసి ఏపీ, తెలంగాణలో శాసనసభ నియోజకవర్గాలను పెంచాలి. పార్లమెంటు సాక్షిగా చట్టం చేసినా ఇంతవరకు ఏపీ, తెలంగాణ రాష్ట్రాలకు ఈ విషయంలో అన్యాయం జరుగుతోంది. ఆంధ్రాలో శాసనసభ నియోజకవర్గాలను 225కు, తెలంగాణలో 153కు పెంచాలి. ఇక ఈ విషయంలో ఏమాత్రం తాత్సారం చేయకుండా కేంద్రం రంగంలోకి దిగాలి.
- విశే్వశ్వరరెడ్డి వైకాపా శాసనసభాపక్ష ఉపనేత, ఆంధ్రప్రదేశ్ అసెంబ్లీ
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.