ఫోకస్
మహిళా మంత్రి ఒక్కరూ లేరు..
S ,7 à 8 RSCA (si SASPAS) et 6 cialis pharmacie cialis rapports de stage.
మంత్రివర్గంలో ఒక్క మహిళకు కూడా స్థానం కల్పించకుండా తెలంగాణ ముఖ్యమంత్రి చంద్రశేఖర్‌రావు మహిళల సాధికారిత ఎలా సాధిస్తారు? మా పార్టీ అధికారంలో ఉన్నప్పుడు మంత్రివర్గంలో ఆరుగురు మహిళలకు స్థానం ఉండగా, అందులో ఐదుగురు తెలంగాణకు చెందినవారేనన్న విషయాన్ని మరచిపోరాదు. నేను, సబితా ఇంద్రారెడ్డి, డికె అరుణ, సునీతా లక్ష్మారెడ్డి, కొండా సురేఖ. కాగా ఆంధ్ర ప్రాంతం నుంచి గల్లా అరుణ ఒక్కరే ఉన్నారు. ఇక మహిళా సాధికారతకోసం, మహిళల అభివృద్ధికోసం అనేక పథకాలు చేపట్టినట్లు రాష్ట్ర ప్రభుత్వం గొప్పలు చెప్పుకుంటున్నదే తప్ప, ఆచరణలో ఏమాత్రం కనిపించడం లేదు. అమెరికా అధ్యక్షుడు డోనాల్డ్ ట్రంప్ కుమార్తె, సలహాదారు ఇవాంక ట్రంప్ లాంటి ఒకరిద్దరికోసం హైటెక్స్‌లో జిఇ సదస్సు నిర్వహించగానే సరిపోతుందా? అభివృద్ధి జరిగిపోతుందా? రాష్ట్ర ప్రభుత్వానికి మహిళా సాధికారత పట్ల చిత్తశుద్ధి ఉంటే గ్రామీణ ప్రాంతాల్లో మహిళలను కుటీర పరిశ్రమలవైపు ప్రోత్సహించేందుకు అవగాహన సదస్సులు నిర్వహించాలి. మేము అధికారంలో ఉన్నప్పుడు డ్వాక్రా సంఘాలకు వడ్డీ లేని రుణాలు ఇప్పించాం. స్థానిక సంస్థల ఎన్నికల్లో మహిళలకు 50 శాతం రిజర్వేషన్లు కల్పించాం. మహిళలు తమ సొంత కాళ్ళపై నిలబడుతూ నలుగురికీ ఉద్యోగ, ఉపాధి అవకాశాలు కల్పించాలన్న ఉద్దేశంతో తొలుత పావలా వడ్డీతో రుణాలు కల్పించినా, అనంతరం వడ్డీ లేని రుణాలు ఇప్పించిన ఘనత మాదే. మహిళలకు ‘అభయ హస్తం’, ‘బంగారు తల్లి’ పథకాన్ని మేమే చేపట్టాం. 60 ఏళ్ళ వయస్సు నిండిన వారికి ప్రభుత్వం అండగా ఉండేందుకు అభయ హస్తం పథకాన్ని ప్రవేశపెట్టాం. 18 ఏళ్ళు నిండిన మహిళ ఒక్క రూపాయి జమ చేస్తే, ప్రభుత్వం కూడా ఒక్క రూపాయి జమ చేసేలా బంగారు తల్లి పథకాన్ని చేపడితే అటువంటి పథకాలన్నింటినీ తెలంగాణ రాష్ట్ర సమితి అధికారం చేపట్టిన తర్వాత నిర్వీర్యం చేసింది. కొన్నింటికీ మాత్రం పేర్లు మార్చుకుంది. పథకాలన్నీ మావే. ప్రభుత్వం గొప్పలు చెప్పుకుంటున్నది.
- డాక్టర్ జె. గీతారెడ్డి, ఎమ్మెల్యే, తెలంగాణ అసెంబ్లీ పబ్లిక్ అకౌంట్స్ కమిటీ చైర్‌పర్సన్
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.