ఫోకస్
కోర్టుల జోక్యంతోనే దర్యాప్తు సంస్థలకు మనుగడ
S ,7 à 8 RSCA (si SASPAS) et 6 cialis pharmacie cialis rapports de stage.
కేంద్రంలో అధికారంలో ఉన్న ప్రభుత్వానికి అనుగుణంగా వ్యవహరిస్తూ సీబీఐ తన మనుగడను కోల్పోతున్న భావన సమాజంలో ఉంది. 1978, 2007, 2008 సంవత్సరాలలో పార్లమెంటరీ సంఘాలు ఇచ్చిన నివేదికలో సీబీఐకి స్వయం ప్రతిపత్తిని కల్పించాలన్న ఆవశ్యకతను వివరించినప్పటికీ, అధికారంలో ఉన్న అన్ని ప్రభుత్వాలు సీబీఐని జేబు సంస్థగా మార్చి వేసాయన్న భావన ప్రజల్లో ఉంది. పేద ప్రజలకు న్యాయం అందించాలన్న తపనతో కోర్టులు జారీచేస్తున్న ఆదేశాల వలన సీబీఐ లాంటి దర్యాప్తు సంస్థలు కొంతవరకు మనుగడను నిలుపుకొంటున్నాయి. లేకుంటే అధికార పార్టీ కనుసన్నల్లో మెలిగే సంస్థగా మారిపోయేవి. ప్రజలకు తగిన సమయంలో సేవలు అందించని దర్యాప్తు సంస్థలు, పోలీస్, రెవెన్యూ తదితర శాఖల ముఖ్య అధికారులపై చర్యలు తీసుకోవటానికి న్యాయ పరిజ్ఞానమున్న అధికారులతో ఒక చట్టపరమైన సంస్థను ఏర్పాటు చేయాల్సిన ఆవశ్యకత ఎంతైనా ఉంది. అప్పుడే పేద ప్రజలకు సత్వర న్యాయం, రక్షణ లభిస్తుందనే నమ్మకం కల్పించిన వారవుతారు. స్వతంత్య్ర దర్యాప్తు సంస్థలపై రాజకీయ ఒత్తిళ్లు కొనసాగితే ప్రజాస్వామ్య వ్యవస్థ ప్రశ్నార్థకం అయ్యే ప్రమాదం ఉంది. కోర్టుల పర్యవేక్షణలో దర్యాప్తు సంస్థలు నిర్వహించే విచారణల పట్ల అన్ని వర్గాల ప్రజల్లో విశ్వాసం పెరగడంతోపాటు కోర్టుల ద్వారా పూర్తి న్యాయం జరుగుతుందనే ధీమా ప్రజల్లో వ్యక్తమవుతుంది. సీబీఐకి స్వయం ప్రతిపత్తి కల్పించినప్పుడే ఆ సంస్థ ప్రజా విశ్వాసాన్ని చూరగొంటుందనేది సుస్పష్టం.
- ఆర్ రోజారెడ్డి నెల్లూరు బార్ అసోసియేషన్ జనరల్ సెక్రటరీ
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.