ఫోకస్
యుద్ధానికైనా, చర్చలకైనా సిద్ధంగా ఉండాలి
S ,7 à 8 RSCA (si SASPAS) et 6 cialis pharmacie cialis rapports de stage.
దాయాది దేశం పాకిస్తాన్ తీరు మారుతుందని భావిస్తే పప్పులో కాలేసినట్లే. భారత్ నుంచి పాకిస్తాన్ మత ప్రాతిపదికన వీడిపోయి 1947 ఆగస్టు 14వ తేదీన ఆవిర్భవించింది. పాకిస్తాన్ భారత్ వ్యతిరేకత ప్రాతిపదికన మనుగడ సాగిస్తోంది. భారత్‌ను ప్రతిక్షణం ఆడిపోసుకుంటే తప్ప, ద్వేషిస్తే తప్ప పాకిస్తాన్‌లో పాలక వర్గానికి భవిష్యత్తు లేదు. భారత్‌పై కుతంత్రాలు పన్నడంలో పాకిస్తాన్, చైనా ముందుంటాయి. ఇటువంటి దేశంతో యుద్ధానికి, చర్చలకు రెండింటికీ సిద్ధంగా ఉండాలి. చర్చలు దౌత్య నీతిలో భాగం. ఆ చానల్‌ను ఎప్పటికీ వదులుకోరాదు. అదే సమయంలో పాకిస్తాన్ హామీలు, ప్రకటనలను నమ్మేందుకు వీలులేదు. పాకిస్తాన్ మూడుసార్లు భారత్‌తో యుద్ధం చేసి ఓటమి చెంది, ఈ రోజు ఉగ్రవాదాన్ని ప్రేరేపించడం ద్వారా యుద్ధం చేస్తోంది. పాకిస్తాన్‌ను అంతర్జాతీయ సమాజంలో ఏకాకిని చేసేందుకు అన్ని రకాలుగా భారత్ చేస్తున్న కృషిని యావత్తు జాతి అండగా నిలబడుతోంది. రాజకీయంగా కేంద్రంలో అధికారంలో ఉన్న పార్టీతో సిద్ధాంతపరమైన తేడాలున్నా, పాకిస్తాన్ పీచమణిచే ప్రతి చర్యకు ప్రజలు, రాజకీయ పార్టీల మద్దతు ఉంటుంది. పాక్ ఆక్రమిత కాశ్మీర్‌కు విముక్తి కల్పించాల్సిన బాధ్యత కేంద్రం అజెండాలో ఉంది. పాకిస్తాన్ ఇటీవల ఆ దేశం అక్రమంగా బంధించిన ఉరిశిక్ష విధించిన జాదవ్‌ను కలుసుకునేందుకు తల్లి, భార్య వెళితే అవమానించి పంపింది. మన మాజీ ప్రధాని వాజపేయి లాహోర్ పర్యటనకు వెళ్లినప్పుడు ఘనస్వాగతం పలికి ఆ తర్వాత కార్గిల్ యుద్ధం చేసి ఓటమి చెందింది. పాకిస్తాన్ సొంతంగా అస్తిత్వం లేని దేశం. మతం పునాదిగా ఆవిర్భవించిన పాకిస్తాన్, భారత్ ఉమ్మడి సంస్కృతి, చరిత్ర కలిగి ఉన్నాయి. అందుకే రెండు దేశాల ప్రజల మధ్య స్నేహం పటిష్టతకు ఎన్నో అవకాశాలు ఉన్నాయి. భారత్ చొరవ తీసుకుని సంస్కృతి, చరిత్ర పటిష్టతకు చర్యలు తీసుకుంటున్న సమయంలో పాకిస్తాన్ పాలక, సైనిక వర్గం తమ ఉనికికి ప్రమాదం వస్తుందనే భయంతో కయ్యానికి కాలు దువ్వుతుంటాయి. పాకిస్తాన్ ఉగ్ర దేశమని అమెరికాతో ప్రపంచ దేశాలు ఎప్పుడో గుర్తించాయి.
- కె శివకుమార్, వైకాపా ప్రధాన కార్యదర్శి, తెలంగాణ
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.