ఫోకస్
హుందాగా వుంటే విలువుంటుంది
S ,7 à 8 RSCA (si SASPAS) et 6 cialis pharmacie cialis rapports de stage.
చట్టసభలకు వెళ్లిన ప్రజా ప్రతినిధులు ఎంతో క్రమశిక్షణతో మెలిగి ప్రజల సమస్యలపై ఓపికగా మాట్లాడాలి. ఇతర సభ్యులు మాట్లాడే విషయాలను శ్రద్ధగా వినాలి. సభ జరుగుతున్నంత సేపు 120 కోట్ల మంది భారతీయులు ఒక కంట తమను కనిపెడుతున్నారని అప్రమత్తంగా ఉండాలి. ఇటీవల కాలంలో మన దేశంలో చట్టసభలు రాజకీయ పార్టీ నేతల వ్యక్తిగత అజెండా అమలుకు, ఘర్షణకు వేదికలుగా తయారయ్యాయి. ఇది చాలా దురదృష్టకరమైన పరిణామమని చెప్పవచ్చును. సాధారణ సమయాల్లో పత్రికలకు, టీవీ చానళ్లకు ఇంటర్వ్యూ ఇచ్చేటప్పుడు రాజ్యాంగం, లౌకికవాదం, ప్రజాస్వామ్యాన్ని గుర్తుపెట్టుకుని మాట్లాడాలి. ఇటీవల కాలంలో పార్లమెంటు లేదా శాసనసభల్లో సభ్యులు ఇష్టం వచ్చినట్లు దురుసుగా మాట్లాడుతున్నారు. ఇది మంచి పద్ధతి కాదు. ఈసారి పార్లమెంట్ సమావేశాలు ఎటువంటి గొడవలు లేకుండా బాగానే ప్రారంభమయ్యాయి. గతంలో మాదిరిగా కాకుండా ప్రధాన మంత్రి నరేంద్రమోదీ, ప్రతిపక్ష పార్టీ నేతలను పిలిచి సమావేశమై పెండింగ్ బిల్లులపై చర్చించారు. రాజ్యాంగ ఆవిర్భావ దినోత్సవంపై లోక్‌సభ, రాజ్యసభలో అన్ని పార్టీలు చర్చించాయి. ప్రజా సమస్యలపై చర్చకు వేదికగా పార్లమెంటు మారాలి. మతతత్వ శక్తుల అసహన ధోరణులపై చర్చను చేపట్టడం కూడా ఆహ్వానిస్తున్నాం. సిపిఎం పార్టీ సభ్యులు సలీం అసహనంపై చాలా వివరంగా మాట్లాడారు. చాలా రోజుల తర్వాత ప్రధాని మోదీ రాజ్యాంగ ఆవిర్భావ దినోత్సవం సందర్భంగా రాజ్యాంగ విలువలపై చక్కగా మాట్లాడారు. ఒకరేమిటి అన్ని పార్టీలనేతలు పోటాపోటీగా మాట్లాడారు. కాని ఇతర అంశాలపై కూడా చర్చించేటప్పుడు సభ్యులు సహనంతో ఉండాలి. ఎంత క్లిష్టమైన సమస్య వచ్చినా సభ్యులు తమ సైద్ధాంతిక విధానాలను పక్కనపెట్టి జాతీయ ప్రయోజనాల కోసం ఏకత్రాటి మీదకు రావాలి. చట్టసభల్లో సభ్యులు హుందాగా ఉంటే, మనం చేసే చట్టాలకు విలువ ఉంటుంది.
Related Articles
రెండు తెలుగు రాష్ట్రాలూ అభివృద్ధిలో పోటీ పడుతున్నాయి. ఈజ్ ఆఫ్ డూయింగ్ బిజినెస్‌లో నువ్వా నేనా చందంగా ఇరు తెలుగు రాష్ట్రాలూ పోటీపడటం మొత్తం దేశానే్న ఆశ్చర్యపరిచింది. రాష్ట్ర పునర్విభజన అనంతరం తెలంగాణ ఆర్ధికంగా పటిష్టస్థానంలో ఉండగా, ఆంధ్రప్రదేశ్ ఆర్థిక స్థితిలో తెలంగాణకు వెనుక నిలిచింది.
మన దేశంలో తలసరి ఆదాయం లెక్కింపులో శాస్ర్తియత లేదు. దీనికి కారణం మన సమాజంలో ఉన్న హెచ్చుతగ్గులే. నెలకు ఒకరి ఆదాయం వెయ్యి రూపాయలు, మరొకరి ఆదాయం 10 వేలు, ఇంకొకరి ఆదాయం లక్ష రూపాయలు, మరొకరి ఆదాయం కోటి రూపాయలు ఉంటే వీరందరి ఆదాయాన్ని కలిపి తలసరి ఆదాయంగా లెక్కవేస్తున్నారు.
అభివృద్ధి అనేది నిరంతర ప్రక్రియ. హైదరాబాద్‌ను ఉదాహరణగా తీసుకుంటే నగరం ఒక్క ఏడాదిలో అభివృద్ధి చెందలేదు. అనేక వందల సంవత్సరాలుగా అభివృద్ధి చెందుతూ వస్తోంది.
తెలుగు రాష్ట్రాలు పారిశ్రామికాభివృద్ధిలో, పెట్టుబడుల ఆకర్షణలో పోటీపడుతుండగా ఈ పోటీలో తెలంగాణ రాష్ట్రం సీఎం కెసిఆర్ ప్రభుత్వం అమలు చేస్తున్న నూతన పారిశ్రామిక విధానాలతో పారిశ్రామిక ప్రగతిలో దూసుకుపోతుంది.
ఉమ్మడి రాష్ట్రం విభజన జరిగిన తరువాత నవ్యాంధ్రలో ఇప్పుడిప్పుడే పారిశ్రామికాభివృద్ధి పురోగతి సాధిస్తోంది. ఉమ్మడి రాష్ట్రంలో హైదరాబాద్‌కే పరిమితమైన పారిశ్రామికాభివృద్ధి, ఇప్పుడు వికేంద్రీకరణ దిశగా అడుగులు వేస్తోంది.