రాష్ట్రీయం
నేడో రేపో గ్రేటర్ నోటిఫికేషన్
S ,7 à 8 RSCA (si SASPAS) et 6 cialis pharmacie cialis rapports de stage.
ఎన్నికల నిర్వహణకు లక్షమంది
26 వేలమంది పోలీసులు
కోర్టు గడువులోగా ఎన్నికలు
డివిజన్‌కు ఇద్దరు పరిశీలకులు
నేటినుంచి వెబ్‌సైట్‌లో ఓటరు జాబితా
ఆన్‌లైన్‌లో నామినేషన్ల స్వీకరణ
ఎన్నికల కమిషనర్ నాగిరెడ్డి వెల్లడి
హైదరాబాద్, డిసెంబర్ 28: జిహెచ్‌ఎంసి ఎన్నికలను ప్రశాంతంగా, పారదర్శకంగా సజావుగా నిర్వహించేందుకు పోలీసులతోసహా మొత్తం లక్షమంది సిబ్బంది సేవలు వినియోగించుకోనున్నట్టు తెలంగాణ రాష్ట్ర ఎన్నికల కమిషనర్ వి నాగిరెడ్డి తెలిపారు. ఎన్నికలకు నియమించిన సాధారణ పరిశీలకులు, ఎన్నికల వ్యయ పరిశీలకులతో సోమవారం ఆయన ప్రత్యేకంగా సమీక్ష నిర్వహించారు. అనంతరం మీడియాతో మాట్లాడుతూ జిహెచ్‌ఎంసి ఎన్నికల నిర్వహణకు హైకోర్టు విధించిన గడువు జనవరి 31లోగా ఎన్నికల ప్రక్రియ పూర్తి చేస్తామని స్పష్టం చేశారు. ఇప్పటికే డివిజన్ల పునర్విభజన పూరె్తైందని, పోలింగ్ కేంద్రాలను కూడా సిద్ధం చేశామన్నారు. మరో రెండుమూడు రోజుల్లో డివిజన్ల రిజర్వేషన్లు తమకు అందుతాయని, వెంటనే ఎన్నికల షెడ్యూల్, నోటిఫికేషన్‌ను జారీ చేస్తామని వివరించారు. ఎన్నికల నిర్వహణకు 26వేల మంది పోలీసులు, మరో 80వేల మంది వివిధ శాఖలకు చెందిన సిబ్బంది సేవలు వినియోగించుకోనున్నట్టు నాగిరెడ్డి తెలిపారు. ప్రత్యేక తెలంగాణ రాష్ట్రం ఏర్పడిన తర్వాత జరుగుతున్న అతిపెద్ద ఎన్నికల ప్రక్రియను విజయవంతం చేయటం ద్వారా రాష్ట్ర ప్రతిష్ఠను పెంపొందించాలని పరిశీలకులకు సూచించారు. రాష్ట్రంలో సాధారణ ఎన్నికలతో పోలిస్తే జిహెచ్‌ఎంసి ఎన్నికల్లో ఓటింగ్ శాతం అతి తక్కువగా నమోదవుతోందని, ఈసారి ఓటింగ్ నమోదు పెంచేందుకు ప్రత్యేక ప్రచార కార్యక్రమాలు నిర్వహిస్తున్నట్టు తెలిపారు. సమావేశంలో గ్రేటర్ కమిషనర్ డాక్టర్ బి జనార్దన్‌రెడ్డి, అదనపు కమిషనర్ (ఎన్నికలు) సురేంద్రమోహన్, ఎన్నికల సంఘం కార్యదర్శి అశోక్‌కుమార్ పాల్గొన్నారు.
ఎవరి ఓటు ఎక్కడుంది?
మహానగర ప్రజలు తమ ఓటు ఎక్కడ, ఏ పోలింగ్ స్టేషన్‌లో ఉందో తెల్సుకుని, ఓటు హక్కును సద్వినియోగం చేసుకునేందుకు వీలుగా నేటి నుంచి గ్రేటర్ ఓటరు జాబితాను ఎన్నికల సంఘం వెబ్‌సైట్‌లో పెట్టనున్నట్లు ఎన్నికల కమిషనర్ నాగిరెడ్డి తెలిపారు. ప్రజలు తమ ఓటు ఎక్కడుందో చూసుకోవటంతో పాటు ఓటరు స్లిప్‌లను కూడా ఆన్‌లైన్ ద్వారా డౌన్‌లోడ్ చేసుకోవచ్చునని వివరించారు. ఈ వెబ్‌సైట్‌లోనే ఎన్నికల నిర్వహణ సమాచారం, నామినేషన్ల ఫారాలను అందుబాటులో ఉంచామని తెలిపారు. నామినేషన్ ప్రతాలను వ్యక్తిగతంగా రిటర్నింగ్ అధికారికి గానీ, ఆన్‌లైన్‌లో గానీ సమర్పించుకోవచ్చునని తెలిపారు. జిహెచ్‌ఎంసి ఎన్నికల్లో ఒక్కో మున్సిపల్ డివిజన్‌కు ఇద్దరు పరిశీలకులను నియమించనున్నారు. ఒకరు సాధారణ పరిశీలకులుగా, మరొకరు అభ్యర్థి ఎన్నికల వ్యయ పరిశీలకులుగా విధులు నిర్వహించనున్నారు.
** సమావేశంలో మాట్లాడుతున్న నాగిరెడ్డి **
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.