రాష్ట్రీయం
ఉద్యోగాల భర్తీని నిలిపివేయండి
S ,7 à 8 RSCA (si SASPAS) et 6 cialis pharmacie cialis rapports de stage.
ఫైర్‌మెన్, సెక్యూరిటీ గార్డుల నియామకాలపై ఏపి జెన్‌కోకు హైకోర్టు ఆదేశం
హైదరాబాద్, డిసెంబర్ 4: ఎపి జెన్‌కోలోని విజిలెన్స్, సెక్యూరిటీ విభాగాల్లో భర్తీ చేయతలపెట్టిన ఫైర్‌మెన్, సెక్యూరిటీ గార్డుల ఉద్యోగాల ప్రక్రియను తదుపరి ఉత్తర్వులు జారీ చేసే వరకు నిలిపివేయాలని హైకోర్టు న్యాయమూర్తి జస్టిస్ పి.నవీన్‌రావు ఎపి జెన్‌కోను ఆదేశించారు. గుంటూరు జిల్లాకు చెందిన యలిశెట్టి పార్వతి దాఖలు చేసిన పిటీషన్‌ను హైకోర్టు విచారణకు స్వీకరించింది. పిటీషనర్ తరఫు న్యాయవాది ఎస్‌ఆర్ సంకు మాట్లాడుతూ ప్రభుత్వం మహిళలకు 33 శాతం ఉద్యోగాలను కేటాయించాల్సి ఉండగా, ఉద్యోగాల భర్తీ నోటిఫికేషన్‌లో ఆ విషయాన్ని స్పష్టం చేయలేదని తెలిపారు.
ఫైర్‌మెన్, సెక్యూరిటీ ఉద్యోగాలకు మహిళలు సరికారనే ఉద్దేశంతో ఆ ఉద్యోగాలను వారికి కేటాయించలేదని జెన్‌కో అధికారులు తమకు తెలిపారని ఆయన కోర్టు దృష్టికి తెచ్చారు. ఆధునిక యుగంలో మహిళలు అంతరిక్షంలోకి దూసుకెళుతున్నారని వివరిస్తూ అలాంటి పరిస్థితిలో చిన్న సెక్యూరిటీ గార్డు, ఫైర్‌మెన్ ఉద్యోగాలకు మహిళలను ఎంపిక చేయకపోవడంలో జెన్‌కో ఉద్దేశ్యం ఏమిటని న్యాయవాది కోర్టు దృష్టికి తెచ్చారు.
మహిళలంటే వివక్ష చూపడం సరికాదని, అందరికీ సమాన హక్కులు ఉంటే వాటిని విస్మరించడం జెన్‌కో వంటి సంస్థకు మంచిది కాదని సూచించారు. అనంతరం న్యాయమూర్తి స్పందిస్తూ జెన్‌కోకు నోటీసులు జారీ చేశారు. మహిళలకు రిక్రూట్‌మెంట్‌లో చూపిస్తున్న వివక్షకు కారణాలు వెల్లడించాలని, ఇందుకు సంబంధించిన వివరాలను కోర్టుకు అందజేయాలని ఆదేశించింది. కోర్టు తదుపరి ఉత్తర్వులు జారీ చేసే వరకు జెన్‌కో ఫైర్‌మెన్, సెక్యూరిటీ గార్డు ఉద్యోగాల భర్తీని నిలిపివేయాలని ఆదేశించింది.
డ్రగ్స్ కంట్రోల్ ఇన్‌స్పెక్టర్ల తనిఖీల
యాప్ విడుదల చేసిన మంత్రి కెటిఆర్
హైదరాబాద్, డిసెంబర్ 4: ఔషధ నియంత్రణ ఇన్‌స్పెక్టర్ల తనిఖీల కోసం ఉద్దేశించిన ఒక మొబైల్ అప్లికేషన్‌ను ఐటి శాఖ మంత్రి కె తారకరామారావు సచివాలయంలో శుక్రవారం విడుదల చేశారు. ఈ దరఖాస్తు ద్వారా డ్రగ్స్ కంట్రోల్ ఇన్‌స్పెక్టర్లు మెడికల్ దుకాణాల్లోనే తనిఖీ పూర్తి చేసి అవసరమైన చోట్ల నోటీసులు సైతం ఇచ్చేందుకు ఉపయోగపడుతుందని మంత్రికి ఔషధ నియంత్రణ శాఖ డైరెక్టర్ అకున్ సబర్వాల్ తెలిపారు. ఈ అప్లికేషన్ కేవలం మొబైల్‌తో పూర్తి స్ధాయి తనిఖీ నిర్వహించేందుకు వీలవుతుంది. లైసెన్సుల మంజూరు నుంచి తనిఖీల దాకా తమ శాఖ పూర్తిగా ఆన్‌లైన్ ద్వారా నడుస్తుందని ఆయన మంత్రికి తెలిపారు. ఈ సందర్భంగా మంత్రి కె తారకరామారావు మాట్లాడుతూ ఇలాంటి సాంకేతిక పరిజ్ఞానం ద్వారా పారదర్శకత పెరిగి అవినీతి తగ్గుతుందన్నారు.
హోదాకోసం 7న ఢిల్లీలో మహా ధర్నా
హైదరాబాద్, డిసెంబర్ 4: ఆంధ్రప్రదేశ్ విభజన సమయంలో ఇచ్చిన హామీలను అమలు చేయాలని, ప్రత్యేక హోదా కల్పించాలని డిమాండ్ చేస్తూ ప్రత్యేక హోదా సాధన సమితి ఈ నెల 7వ తేదీన ఢిల్లీలో మహా ధర్నా చేయనున్నట్లు ప్రకటించింది. ఈ ధర్నాకు తమ పార్టీ మద్దతు ఇస్తున్నామని, ఈ ధర్నాలో పాల్గొంటామని లోక్‌సత్తా వ్యవస్థాపక అధ్యక్షుడు డాక్టర్ జయప్రకాశ్ నారాయణ్, ఏపి పార్టీ ప్రధాన కార్యదర్శి భీశెట్టి బాబ్జీ, పార్టీ అధికార ప్రతినిధి కె శ్రీనివాస్ తెలిపారు. ప్రత్యేక హోదాకోసం కేంద్రంపై ఒత్తిడి తెచ్చేలా ఎంపీలు పార్టీలకు అతీతంగా గళం విప్పాలని, ఏపికి జరుగుతున్న అన్యాయంపై కేంద్రాన్ని నిలదీయాలని డిమాండ్ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.