రాష్ట్రీయం
పోచారంలో ఇన్ఫోసిస్ విస్తరణ
S ,7 à 8 RSCA (si SASPAS) et 6 cialis pharmacie cialis rapports de stage.
25వేల మంది ఐటి ఉద్యోగుల లక్ష్యం
తెలంగాణ మంత్రి కెటిఆర్‌తో ఇన్ఫోసిస్ సిఇఓ విశాల్ సిక్కా భేటీ
హైదరాబాద్, డిసెంబర్ 28: 25వేల మంది ఐటి ఉద్యోగులు పని చేసే విధంగా హైదరాబాద్‌లోని పోచారం క్యాంపస్‌ను పూర్తి స్థాయిలో విస్తరించనున్నట్టు ఇన్ఫోసిస్ సిఇఓ అండ్ ఎండి విశాల్ సిక్కా తెలిపారు. విశాల్ సిక్కా టి-హబ్‌లో ఐటి శాఖ మంత్రి కె తారక రామారావును సోమవారం కలిశారు. వచ్చే ఏడాది నాటికి పోచారం క్యాంపస్‌ను పూర్తి స్థాయిలో విస్తరించనున్నట్టు చెప్పారు. టి -హబ్‌ను సందర్శించిన విశాల్ సిక్కా అక్కడి వౌలిక వసతులను చూసి అభినందించారు. అన్ని సౌకర్యాలతో ఇలాంటి భారీ ఇంక్యుబేటర్‌ను ఇప్పటి వరకు తాను చూడలేదని అన్నారు. తెలంగాణ ప్రభుత్వం స్టార్టప్‌ల కోసం ఆలోచనలను ప్రోత్సహించేందుకు చేపట్టిన ఈ కార్యక్రమం విజయవంతం కావాలని కోరుకుంటున్నట్టు తెలిపారు. ఇన్ఫోసిస్ సంస్థకు తెలంగాణ ప్రభుత్వం పూర్తి స్థాయిలో సహాయ సహకారాలు అందిస్తుందని ఐటి మంత్రి కె తారక రామారావు తెలిపారు. ఇన్ఫోసిస్ తమ క్యాంపస్ విస్తరణ ద్వారా ఐటి పరిశ్రమను హైదరాబాద్ నలుమూలలా విస్తరించాలనే తమ ప్రణాళికకు ఊతం ఇచ్చినట్టు అయిందని అన్నారు. టి- హబ్ కార్యక్రమాలకు సంస్థ తరఫున సహకారం అందించాలని కెటిఆర్ కోరారు.
విశాల్ సిక్కా త్వరలోనే టి-హబ్‌లోని స్టార్టప్ కంపెనీలతో మాట్లాడేందుకు మరోసారి హైదరాబాద్ వస్తారని కెటిఆర్ తెలిపారు. టి-హబ్‌లోని ఆవిష్కరణలకు స్టార్టప్ ఫండింగ్ ఇచ్చేందుకు ఇన్ఫోసిస్ ఇన్నోవేషన్ ఫండ్ భాగస్వామ్యం పొందేందుకు ఆసక్తి చూపించినట్టు కెటిఆర్ తెలిపారు. త్వరలోనే ఐటి పాలసీ ప్రకటించనున్నట్టు కెటిఆర్ విశాల్ సిక్కాకు తెలిపారు. సమావేశంలో ఐటి శాఖ కార్యదర్శి జయేష్ రంజన్‌తో పాటు ఇన్ఫోసిస్ ఉన్నతాధికారులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.