అంతర్జాతీయం
డెమోక్రటిక్ పార్టీ అభ్యర్థి హిల్లరీనే!
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 7: అమెరికా అధ్యక్ష పదవికి డెమోక్రటిక్ పార్టీ అభ్యర్థిత్వాన్ని హిల్లరీ క్లింటన్ దాదాపుగా దక్కించుకున్నారు. దీంతో 249 ఏళ్ల అమెరికా చరిత్రలో ఒక ప్రధాన పార్టీనుంచి అభ్యర్థిగా ఎన్నికైన తొలి మహిళగా ఆమె అరుదైన రికార్డును సైతం సృష్టించబోతున్నారు. ఆదివారం ప్యూర్టోరికోలో జరిగిన డెమోక్రటిక్ పార్టీ ప్రైమరీ ఎన్నికల్లో తిరుగులేని విజయం సాధించడంతో పాటుగా అదనపు సూపర్‌డెలిగేట్ల మద్దతుతో కలిపి 68 ఏళ్ల హిల్లరీ క్లింటన్ పార్టీ అభ్యర్థి కావడానికి అవసరమైన మద్దతును కూడగట్టుకున్నట్లు ఓ మీడియా కథనం పేర్కొంది. హిల్లరీ క్లింటన్ 1812 మంది కచ్చితమైన డెలిగేట్ల మద్దతుతో పాటుగా 572 మంది సూపర్ డెలిగేట్ల మద్దతును కూడా దక్కించుకున్నారని, అంటే పార్టీ నామినేషన్ కోసం అవసరమైన 2,384 మంది డెలిగేట్లకన్నా ఒకరు ఎక్కువే ఉన్నారని సిఎన్‌ఎస్ తెలిపింది.
కాగా, మంగళవారం పెద్ద సంఖ్యలో డెలిగేట్లుండే కాలిఫోర్నియా, న్యూజెర్సీ సహా ఆరు రాష్ట్రాల్లో ప్రైమరీ ఎన్నికలు జరగనుండడంతో ఈ సంఖ్య మరింతగా పెరిగే అవకాశముంది. కాగా, సోమవారం రాత్రి కాలిఫోర్నియాలోని లాంగ్‌బీచ్‌లో తన మద్దతుదారులనుద్దేశించి హిల్లరీ క్లింటన్ మాట్లాడుతూ, తనకు అవసరమైన మద్దతు లభించినప్పటికీ మంగళవారం ఎన్నికలు జరిగే రాష్ట్రాలపై తాను ఇంకా దృష్టి పెట్టే ఉన్నానని చెప్పారు.వచ్చే నెల జరిగే పార్టీ మహాసభలో మాజీ అధ్యక్షుడు బిల్‌క్లింటన్ భార్య, మాజీ విదేశాంగ మంత్రిగా కూడా పని చేసిన హిల్లరీ క్లింటన్‌ను డెమోక్రటిక్ పార్టీ అభ్యర్థిగా అధికారికంగా ప్రకటించే అవకాశం ఉంది. అదే జరిగితే ఇప్పటికే రిపబ్లిన్ పార్టీ అభ్యర్థిగా దాదాపుగా ఖరారైన డొనాల్డ్ ట్రంప్‌తో ఆమె అధ్యక్ష పదవికోసం పోటీ పడాల్సి ఉంటుంది. అయితే ఇటీవల నిర్వహించిన ఒపీనియన్ పోల్స్‌లో ట్రంప్‌లాగే హిల్లరీ క్లింటన్ కూడా అమెరికా చరిత్రలోనే అత్యంత అన్‌పాపులర్ అభ్యర్థిగా ఉంటారనే అభిప్రాయాన్ని ఎక్కువ మంది వ్యక్తం చేయడం గమనార్హం..
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.