అంతర్జాతీయం
చరిత్ర సృష్టించిన హిల్లరీ క్లింటన్
S ,7 à 8 RSCA (si SASPAS) et 6 cialis pharmacie cialis rapports de stage.
లాస్ ఏంజిల్స్, జూన్ 8: అమెరికా రాజకీయ చరిత్రలోనే ఒక ప్రధాన రాజకీయ పార్టీ తరఫున అధ్యక్ష పదవికి అభ్యర్థిత్వాన్ని దక్కించుకున్న తొలి మహిళగా హిల్లరీ క్లింటన్ బుధవారం చరిత్ర సృష్టించారు. న్యూజెర్సీ, న్యూమెక్సికో, డకోటా రాష్ట్రాల్లో జరిగిన ప్రైమరీ ఎన్నికల్లో ఘన విజయం సాధించడంతో ఆమె డెమోక్రటిక్ పార్టీ తరఫున అధ్యక్ష పదవికి పోటీ చేయడానికి అర్హతను సంపాదించారు. అయితే ఆమె ప్రధాన ప్రత్యర్థి బెర్నీ శాండర్స్ మాత్రం తాను పోటీనుంచి తప్పుకోబోనని అంటున్నారు.‘ మీ అందరికీ కృతజ్ఞతలు. ఈ రోజు మనం ఒక మైలురాయిని చేరాం. అదేమిటంటే దేశ చరిత్రలో మొట్టమొదటిసారి ఒక మహిళ ఒక ప్రధాన పార్టీ నామినీ అవబోతున్నారు’ అని న్యూయార్క్‌లోని బ్రూక్లిన్‌లో తన ఎన్నికల ప్రచార ప్రధాన కార్యాలయం వద్ద మద్దతుదారులనుద్దేశించి మాట్లాడుతూ హిల్లరీ క్లింటన్ అన్నారు. అమెరికా అధ్యక్ష పదవికి డెమోక్రటిక్ పార్టీ నామినీ కావడానికి అవసరమైన 2,383 మంది డెలిగేట్లను గెలుచుకున్నందుకు హిల్లరీ క్లింటన్‌ను అధ్యక్షుడు బరాక్ ఒబామా అభినందించారు. అయితే ఒకప్పుడు తన వద్ద విదేశాంగ మంత్రిగా పని చేసిన హిల్లరీ క్లింటన్‌కు ఆయన అధికారికంగా ఆమోదముద్ర వేయలేదు. హిల్లరీ క్లింటన్ నిర్వహించిన చరిత్రాత్మక ప్రచారం కోట్లాదిమందికి స్ఫూర్తిదాయకంగా నిలిచిందని, మధ్య తరగతి కుటుంబాలు, వారి పిల్లల కోసం ఆమె జీవితకాల పోరాటానికి ఇది కొనసాగింపు అని వైట్‌హౌస్ ప్రెస్ సెక్రటరీ జోష్ ఎర్నెస్ట్ ఒక ప్రకటనలో పేర్కొన్నారు. ఒబామా హిల్లరీ క్లింటన్, శాండర్స్ ఇద్దరికీ ఫోన్ చేసి డెమోక్రాట్లకు స్ఫూర్తిదాయకంగా నిలిచే విధంగా ప్రచారం సాగించినందుకు వారిని అభినందించారు. కాగా, ఒబామా గురువారం శాండర్స్‌తో సమావేశమవుతారని ఆ ప్రకటన తెలిపింది.
ప్రస్తుతం హిల్లరీ క్లింటన్‌కు 2,487 మంది డెలిగేట్లు ఉండగా, శాండర్స్‌కు కేవలం 1663 మంది డెలిగేట్లే ఉన్నారు. కాలిఫోర్నియా రాష్ట్రంలో వెలువడిన తొలి ఫలితాల్లోను హిల్లరీ క్లింటన్ ముందంజలో ఉన్నారు. అయితే మోంటానా, నార్త్ డకోటా రాష్ట్రాల్లో జరిగిన డెమోక్రాట్ ప్రైమరీ ఎన్నికల్లో విజయం సాధించిన శాండర్స్ మాత్రం ఓటమిని అంగీకరించక పోవడమే కాక పార్టీ నామినేషన్ కోసం పోటీలో కొనసాగుతానని స్పష్టం చేశారు. డెమోక్రటిక్ పార్టీ ఐక్యత కోసం పోటీనుంచి తప్పుకోవాలని శాండర్స్‌పై తీవ్రమైన ఒత్తిడి వస్తున్న విషయం తెలిసిందే. వచ్చే నవంబర్‌లో జరగనున్న అధ్యక్ష ఎన్నికల్లో హిల్లరీ క్లింటన్ న్యూయార్క్‌కే చెందిన రిపబ్లికన్ పార్టీ అభ్యరిథ డొనాల్డ్ ట్రంప్‌ను ఎదుర్కొంటారు.
ఒక వేళ ఆ ఎన్నికల్లో హిల్లరీ క్లింటన్ విజయం సాధిచే అమెరికాకు తొలి మహిళా అధ్యక్షురాలుగా చరిత్ర సృష్టిస్తారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.