అంతర్జాతీయం
ఇమ్రాన్‌ఖాన్ ‘హ్యాట్రిక్’ పెళ్లి?
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 12: పాకిస్తాన్ మాజీ క్రికెటర్ ఇమ్రాన్‌ఖాన్ ముచ్చటగా మూడోసారి పెళ్లి చేసుకున్నారా? లండన్‌లో జరిగిన ఓ స్వల్ప కార్యక్రమంలో ఆయన మూడోపెళ్లి చేసుకున్నట్లుగా మంగళవారం వెలువడిన మీడియా కథనాల బట్టి స్పష్టమవుతోంది. తాను గతంలో చేసుకున్న రెండు పెళ్లిళ్లు కూడా పెటాకులు కావడం వల్ల మూడో పెళ్లి చేసుకునే అవకాశం ఉందంటూ 63 ఏళ్ల ఇమ్రాన్‌ఖాన్ ఇటీవల ఓ ఇంటర్వ్యూలో వెల్లడించారు. పెళ్లిళ్ల విషయంలో హ్యాట్రిక్ చేశాడంటూ దునియా టీవీ వెల్లడించింది. మనేకా కుటుంబానికి చెందిన ఓ మహిళను ఇమ్రాన్‌ఖాన్ పెళ్లి చేసుకున్నాడని, ఈ పెళ్లి కూడా కొన్ని రోజుల క్రితం లండన్‌లో జరిగింది ఆ టీవీ వెల్లడించింది. పంజాబ్ రాష్ట్రానికి చెందిన అత్యంత ప్రభావశీలత కలిగిన మనేకా కుటుంబానికి చెందిన పింకి అనే మహిళా ఆధ్యాత్మికవేత్త సూచనల ప్రకారమే ఇమ్రాన్‌ఖాన్ ఈ మూడో పెళ్లి చేసుకున్నట్లు జియో టీవీ వెల్లడించింది. మరో రెండు చానెళ్లయితే కొత్త భార్యతో ఖాన్ అనేకచోట్ల కనిపించాడని ప్రసారం చేశాయి. అయితే ఈ మూడో భార్య ఎవరన్న దానిపై స్పష్టత ఇవ్వలేదు. జియో చానల్ మాత్రం ఆమె పేరు మారియామ్ అని వెల్లడించింది. అయితే ఇమ్రాన్‌ఖాన్ మూడో పెళ్లి కథనాలు అభూత కల్పనలేనని ఆయన సారథ్యంలోని పాకిస్తాన్ తహ్రిక్ ఏ ఇన్సాఫ్ పార్టీ వర్గాలు కొట్టిపారేశాయి. త్వరలోనే లండన్ నుంచి ఇమ్రాన్ తిరిగొస్తాడని, దేశ రాజకీయాల్లో చురుగ్గా పాల్గొంటాడని వెల్లడించాయి. తాము కూడా ఈ హ్యాట్రిక్ పెళ్లి కథనాలు చానెళ్లలో చూసి నవ్వుకున్నామని కూడా వెల్లడించాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.