అంతర్జాతీయం
మదర్ థెరెసాకు సెయింట్‌హుడ్ పోప్ ఫ్రాన్సిస్ ఆమోదముద్ర
S ,7 à 8 RSCA (si SASPAS) et 6 cialis pharmacie cialis rapports de stage.
వాటికన్ సిటీ: మదర్ థెరెసాకు సెయింట్‌హుడ్ గుర్తింపును ఇవ్వడానికి పోప్ ఫ్రాన్సిస్ మంగళవారం అధికారికంగా ఆమోదం తెలిపారు. అంతేకాక ఆమెను మత గురువుల జాబితాలో చేర్చడానికి సెప్టెంబర్ 4న అధికారిక తేదీగా నిర్ణయించారు. కోల్‌కతాలో పేదలకోసం తన జీవితంలోని అధిక భాగాన్ని వెచ్చించిన మదర్ థెరెసా మృతిచెందిన 19 ఏళ్ల తర్వాత ఆమెకు సెయింట్‌హుడ్‌ను ప్రదానం చేయాలని వాటికన్ నిర్ణయించడం గమనార్హం. అయితే మత గురువుల జాబితాలో చేర్చే కార్యక్రమం రోమ్‌లో ఏ ప్రదేశంలో జరుగుతుందో వాటికన్‌నుంచి అధికారికంగా ఎలాంటి సమాచారం లేదు. ఈ కార్యక్రమం తర్వాత మదర్ థెరెసాను ఖననం చేసిన కోల్‌కతాలో కృతజ్ఞతలు తెలియజేసే కార్యక్రమం జరుగుతుంది. 1997లో మదర్ థెరెసా తన 87వ ఏట మృతిచెందడం తెలిసిందే. ప్రపంచవ్యాప్తంగా క్యాథలిక్‌ల ప్రశంసలు అందుకున్న ఆమె 1979లో నోబెల్ శాంతి బహుమతిని కూడా అందుకున్నారు. మదర్ థెరెసా మరణానంతరం కూడా తన మహిమలను ప్రదర్శించినట్లు వాటికన్ నిపుణులు నిర్ధారించిన తర్వాత ఆమెకు సెయింట్‌హుడ్‌ను ఇవ్వాలని నిర్ణయించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.