అంతర్జాతీయం
అణు భద్రతే కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, ఏప్రిల్ 2: అణు భద్రత, అణ్వస్త్ర వ్యాప్తి నిరోధం రంగాల్లో తమ ప్రభుత్వం తీసుకున్న అనేక కీలక చర్యలను ప్రధాని నరేంద్ర మోదీ ప్రకటించారు. అణు స్మగ్లింగ్‌ను ఎదుర్కోవడంతో పాటు అణు ఉగ్రవాదాన్ని తిప్పి కొట్టే టెక్నాలజీని ఏర్పాటు చేయడం లాంటివి ఈ చర్యల్లో ఉన్నాయి. 50కి పైగా దేశాల నేతలు హాజరయిన అణు భద్రతపై జరుగుతున్న శిఖరాగ్ర సమావేశం రెండో రోజయిన శుక్రవారం నాడు మోదీ ఈ ప్రకటన చేశారు. ప్రపంచ దేశాల నేతలకు తమ ప్రభుత్వం తీసుకున్న చర్యలను మోదీ వివరిస్తూ, పటిష్ఠమైన సంస్థాగత వ్యవస్థ, స్వతంత్రంగా వ్యవహరించే రెగ్యులేటరీ ఏజన్సీ, సుశిక్షితులైన ప్రత్యేక నైపుణ్యం కలిగిన సిబ్బంది ద్వారా అణు భద్రతకు అత్యధిక జాతీయ స్థాయి ప్రాధాన్యతను ఇవ్వడాన్ని కొనసాగిస్తుందని చెప్పారు. అణు ఉగ్రవాదాన్ని ఎదుర్కొనే, తిప్పి కొట్టే టెక్నాలజీని అభివృద్ధి చేసి, అమలు చేయడం ఈ ప్రణాళికల్లో ఒకటి. భౌతిక, సాంకేతికపరమైన అడ్డంకులు కల్పించడం, సాంకేతిక విధానాలను అమలు చేయడం, తక్కువ స్థాయిలో శుద్ధి చేసిన యురేనియంను ఉపయోగించి, అలాగే సీసియమ్-137 లాంటి రేడియో ఐసోటోప్స్‌ను ఉపయోగించి మెడికల్ గ్రేడ్ మోలీ-99ని ఉత్పత్తి చేయడం కోసం ఒక సంస్థను ఏర్పాటు చేయడం లాంటివి ఈ ప్రణాళికల్లో ఉన్నాయి.
అణు స్మగ్లింగ్‌ను భారత్ తిప్పి కొడుతుందని, అణు, అణు ధార్మిక మెటీరియల్స్‌కు సంబందించి జాతీయ డిటెక్షన్ వ్యవస్థను మరింత బలోపేతం చేస్తుందని ఆయన చెప్తూ, అణు స్మగ్లింగ్‌ను ఎదుర్కోవడానికి ప్రత్యేకంగా ఒక బృందాన్ని ఏర్పాటు చేస్తున్నట్లు తెలియజేశారు. అణు భద్రత నిధికి మరో పది లక్షల డాలర్ల నిధులను విరాళంగా ఇవ్వడం ద్వారా అణు భద్రతలో ఐఏఇఏ నిర్వహిస్తున్న కీలక పాత్రకు భారత్ మద్దతు ఇస్తుందని కూడా ప్రధాని చెప్పారు. అణు భద్రతపై ఐఏఇఏ నిపుణులతో భారత్‌లో ఒక వర్క్‌షాపును నిర్వహించనున్నట్లు కూడా ఆయన చెప్పారు. చివరగా 2017లో అణు ఉగ్రవాదాన్ని ఎదుర్కోవడంలో అపపంచ దేశాలు తీసుకన్న చర్యలపై ఒక అంతర్జాతీయ సదస్సుకు భారత్ ఆతిథ్యమిస్తుందని కూడా ప్రధాని తెలిపారు. దేశంలో అణు భద్రతా వ్యవస్థను బలోపేతం చేయడం జరుగుతోందని, అంతర్జాతీయ స్థాయిలో భద్రతా వ్యవస్థను బలోపేతం చేసే కృషిలో కూడా భారత్ పాలు పంచుకుందని ఆ జాతీయ కార్యాచరణ ప్రణాళిక పేర్కొంది. అణు భద్రత, సెక్యూరిటీ విషయంలో భారత్ తీసుకున్న చర్యలను, భారత దేశపు రోడ్‌మ్యాప్‌ను, విజన్‌ను ప్రధాని సదస్సులో ఆవిష్కరిస్తారని శుక్రవారం విదేశాంగ శాఖ ప్రతినిధి వికాస్ స్వరూప్ కూడా చెప్పారు.
చిత్రం అణు భద్రతపై వాషింగ్టన్‌లో జరిగిన శిఖరాగ్ర సదస్సు వేదికపై ప్రపంచ దేశాల ప్రతినిధులతో ప్రధాని నరేంద్ర మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.