అంతర్జాతీయం
ఆర్థిక ప్రగతే ప్రధాన అజెండా
S ,7 à 8 RSCA (si SASPAS) et 6 cialis pharmacie cialis rapports de stage.
దోహా, జూన్ 4: భారత ప్రధాన మంత్రి నరేంద్ర మోదీ ఖతార్‌లో పర్యటిస్తున్న క్రమంలో ద్వైపాక్షిక ఆర్థిక సంబంధాల ప్రగతిని ఇరు దేశాలు ఆశిస్తున్నాయి. భారత అభివృద్ధిలో భాగస్వాములు కావాలంటూ విదేశీ పెట్టుబడులను ఆకర్షించడంలో భాగంగా శనివారం ఇక్కడకు చేరుకున్న మోదీ.. ఆదివారం ఖతార్ అధినాయకత్వంతో చర్చలు జరపనున్నారు. ముఖ్యంగా హైడ్రోకార్బన్ రంగంలో ఖతార్ సాయాన్ని మోదీ కోరనున్నారు. గత ఆర్థిక సంవత్సరం (2015-16) భారత ఎల్‌ఎన్‌జి అవసరాల్లో 65 శాతం ఖతార్ ద్వారానే తీరాయి. ఈ నేపథ్యంలో ఖతార్ ఎమిర్.. షేక్ తమిమ్ బిన్ హమద్ అల్-తహనితో నిర్వహించే చర్చల్లో ఎనర్జీ రంగంపై మోదీ ప్రధాన దృష్టిని పెట్టనున్నారు. అలాగే ఇరు దేశాలకు సంబంధించిన ప్రాంతీయ, అంతర్జాతీయ అంశాలూ ప్రస్తావనకు రానున్నాయి.
ఇకపోతే ఈ పర్యటనలో ఖతార్ వ్యాపార, పారిశ్రామికవేత్తలతోనూ ఆదివారం ఉదయం మోదీ సమావేశం అవుతున్నారు. ఈ సందర్భంగా వారి నుంచి పెద్ద ఎత్తున పెట్టుబడులను ఆహ్వానించనున్న మోదీ.. వౌలికరంగంలో పెట్టుబడులకున్న విశేష అవకాశాలను వారికి వివరిస్తారు. కాగా, ఈ పర్యటనలో ఖతార్‌తో భారత్ పలు ఒప్పందాలను కుదుర్చుకోనుంది. భారత ముడి చమురు అవసరాలను తీరుస్తున్న గల్ఫ్ దేశాల్లో ఖతార్ ముందుండగా, 2014-15 ఆర్థిక సంవత్సరంలో భారత్-ఖతార్ ద్వైపాక్షిక వాణిజ్యం విలువ 15 బిలియన్ డాలర్లుగా ఉంది. దీన్ని మున్ముందు మరింత పెంచాలని ఇరు దేశాలు ప్రయత్నిస్తున్నాయ.
శనివారం దోహాకు చేరుకున్న మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.