అంతర్జాతీయం
‘ఉగ్ర’దేశాల్ని గెంటేద్దాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూయార్క్, సెప్టెంబర్ 19: ఉగ్రవాదాన్ని, ఉగ్రవాదుల్ని పెంచి పోషించే దేశాల భరతం పట్టాల్సిందేనని, వాటిని గెంటేయాల్సిందేనని అమెరికా అధ్యక్షుడు డొనాల్డ్ ట్రంప్ తీవ్రస్వరంతో పిలుపునిచ్చారు. ఐక్యరాజ్య సమితి జనరల్ అసెంబ్లీలో మాట్లాడిన ఆయన ‘ఉగ్రవాదులకు ఆశ్రయం ఇస్తున్న, నిధులను సమకూరుస్తున్న, వారిని పెంచి పోషిస్తున్న దేశాల నిజస్వరూపం బయట పట్టాల్సిందే. ఉగ్ర కృత్యాలకు వాటిని బాధ్యులుగా చేయాల్సిందే’ ప్రపంచ దేశాలకు స్పష్టం చేశారు. అరాచక పరిస్థితులకు కారణమవుతున్న వారికి మద్దతిస్తోదంటూ పాకిస్తాన్‌పై ఇటీవలే నిప్పులు చెరిగిన డొనాల్డ్ ట్రంప్ ఐరాసలో చేసిన హెచ్చరికకు మరింత ప్రాధాన్యత చేకూరింది. ఐరాసలో తొలిసారిగా మాట్లాడిన ట్రంప్ ఉగ్రవాదుల్ని ఎదుర్కొనేందుకు బాధ్యతాయుతంగా వ్యవహరించే దేశాలన్నీ చేతులు కలపాలన్నారు. అలాగే ఉగ్రవాదానికి ప్రేరణగా పనిచేస్తున్న ఇస్లామిక్ మిలిటెంట్లనూ వదలడానికి వీల్లేదన్నారు. అమెరికాకు, అలాగే ప్రపంచానికే ముప్పుగా పరిణమించిన ఇస్లామిక్ తీవ్రవాదాన్ని నిలువరిస్తామని, దాని కుత్సితాలను తిప్పికొడతామని ట్రంప్ ఉద్ఘాటించారు. ఉగ్రవాదానికి, ఉగ్రవాద సిద్ధాంతాలకు ఏ దేశం కూడా కొమ్ముకాయడానికి వీల్లేదని తేల్చిచెప్పిన ట్రంప్ ‘ఇలాంటి వాటిని గెంటేయాల్సిందే. వాటి నిజస్వరూపాన్ని బట్టబయలు చేయాల్సిందే’నని అన్నారు. అల్‌ఖైదా, హిజ్‌బొల్లా, తాలిబన్ తదితర ఉగ్రవాద సంస్ధలను అన్ని విధాలుగానూ కట్టడి చేయాలని ప్రపంచ దేశాలకు విజ్ఞప్తి చేశారు. అమెరికా, దాని మిత్ర దేశాలు ఈ దిశగానే కృషి చేస్తున్నాయన్నారు. ఇలాంటి సంస్థలు మళ్లీ వేళ్లూనుకోకుండా గట్టి నిరోధక చర్యలనే చేపడుతున్నామన్నారు. అఫ్గానిస్తాన్, దక్షిణాసియాల్లో అమెరికా అమలు చేస్తున్న కొత్త వ్యూహాన్ని గుర్తు చేసిన ట్రంప్ ‘ఇక నుంచి సైనిక చర్యలకు సంబంధించి తుది నిర్ణయాలు తీసుకునేది రాజకీయ నాయకులు కాదు..మా భద్రతా
ఏజెన్సీలే’నని తెలిపారు. తాలిబన్, ఇతర ఉగ్రవాద సంస్థలపై జరిపే పోరాట వ్యూహాలనూ మార్చేశానని చెప్పిన ట్రంప్ ‘అమెరికాను అద్వితీయ శక్తిగా మార్చడమే నా జాతీయ విధానం’అని పునరుద్ఘాటించారు. ప్రపంచ దేశాలన్నీ తమతమ సొంత ప్రయోజనాల కోసం పనిచేసుకోవచ్చునని అయితే ఉమ్మడి శత్రువు ఎదురైనప్పుడు మాత్రం ఉమ్మడి బాధ్యతగా కలిసిరావాలన్నారు. ఈ సందర్భంగా కొత్త ప్రపంచ వ్యవస్థకు సంబంధించి తన ఆలోచనలనూ ఆయన ఆవిష్కరించారు. అమెరికా ప్రజలకు సంబంధించిన అన్ని హక్కులనూ నెరవేర్చడమే తమ ప్రభుత్వ ప్రథమ కర్తవ్యమని, దేశాధ్యక్షుడిగా ఇదే తన ప్రాథమిక బాధ్యత అని ట్రంప్ తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.