అంతర్జాతీయం
డెమోక్రటిక్ నామినేషన్‌కు అడుగు దూరంలో హిల్లరీ
S ,7 à 8 RSCA (si SASPAS) et 6 cialis pharmacie cialis rapports de stage.
లాస్ ఏంజెలిస్, జూన్ 6: అమెరికా అధ్యక్ష ఎన్నికల్లో డెమోక్రటిక్ పార్టీ తరఫున ఆ దేశ విదేశాంగ మంత్రి హిల్లరీ క్లింటన్ పోటీ చేయడం దాదాపుగా ఖాయమైపోయింది. కాలిఫోర్నియాలో కీలక ప్రైమరీ ఎన్నికలకు ముందు జరిగిన రెండు ప్రైమరీల్లో హిల్లరీ క్లింటన్ తన ప్రత్యర్ధి బెర్నీ శాండర్స్‌ను ఓడించారు. ప్యూర్టోరికోతో పాటు వర్జిన్ ఐలెండ్స్‌లో జరిగిన ఈ ప్రైమరీల్లో శాండర్స్‌పై హిల్లరీ ఘన విజయం సాధించారు. దీంతో ఆమె అధ్యక్ష ఎన్నికలకు డెమోక్రటిక్ పార్టీ అభ్యర్ధిగా నామినేషన్‌ను కైవసం చేసుకునేందుకు మరో అడుగు దూరంలో నిలిచారు. ఈ నామినేషన్ లభిస్తే అమెరికా అధ్యక్ష ఎన్నికల్లో ప్రధాన పార్టీ తరఫున పోటీచేసే తొలి మహిళా అభ్యర్థిగా హిల్లరీ క్లింటన్ చరిత్రకెక్కుతారు. కాలిఫోర్నియా సహా ఆరు రాష్ట్రాల్లో మంగళవారం జరిగే ప్రైమరీ ఎన్నికలు పూర్తయితే హిల్లరీ క్లింటన్ నామినేషన్‌కు అవసరమైన దానికంటే ఎక్కువ సంఖ్యలో ప్రతినిధుల మద్దతు లభించడం ఖాయమని ఆమె సన్నిహితులు చెబుతున్నారు. అమెరికా అధ్యక్ష ఎన్నికలకు డెమోక్రటిక్ పార్టీ అభ్యర్థిగా నామినేషన్‌ను దక్కించుకోవాలంటే కనీసం 2,382 మంది ప్రతినిధుల మద్దతును పొంది ఉండాలి.
ఇప్పటికే 2,354 మంది ప్రతినిధుల మద్దతును కూడగట్టుకున్న హిల్లరీ క్లింటన్‌కు నామినేషన్ లభించాలంటే మరో 28 మంది ప్రతినిధులు మద్దతు తెలిపితే సరిపోతుంది. అయితే ఇప్పటివరకూ 1,565 మంది ప్రతినిధుల మద్దతు పొందిన బెర్నీ శాండర్స్ ఈ విషయంలో హిల్లరీ కంటే ఎంతో వెనుకబడి ఉంది. మంగళవారం ప్రైమరీ ఎన్నికలు జరిగే కాలిఫోర్నియాలో మొత్తం 546 మంది ప్రతినిధులు ఓటింగ్‌లో పాల్గొననుండగా, మోంటానలో 27 మంది, న్యూజెర్సీలో 142 మంది, నార్త్ డకోటాలో 23 మంది, సౌత్ డకోటాలో 25 మంది, న్యూ మెక్సికోలో 43 మంది ప్రతినిధులు ఓటింగ్‌లో పాల్గొననున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.