అంతర్జాతీయం
బంగ్లాకు పెరుగుతున్న రోహింగ్యాల వలస
S ,7 à 8 RSCA (si SASPAS) et 6 cialis pharmacie cialis rapports de stage.
జెనీవా, అక్టోబర్ 17: మయన్మార్ నుంచి బంగ్లాదేశ్‌లోకి చేరుకున్న రోహింగ్యా శరణార్థుల సంఖ్య ఒక్క ఆగస్టులోనే సుమారు 5.8 లక్షల వరకూ ఉందని ఐక్యరాజ్య సమితి వెల్లడించింది. ఇంకా సరిహద్దుల్లో వేలాది శరణార్థులు పడిగాపులు కాస్తున్నారని పేర్కొంది. గతవారం విడుదల చేసిన లెక్కలతో ప్రస్తుత అంకెను పోలిస్తే, ఒక్కవారంలోనే అదనంగా 45 వేలమంది శరణార్థులు బంగ్లాదేశ్‌లోకి చేరినట్టు తెలుస్తోందని పేర్కొంది. ఐరాస బాలల సంక్షేమ విభాగం అధికార ప్రతినిధి మారిక్సీ మార్కాడో మీడియాతో మాట్లాడుతూ ఈ సంఖ్య అకస్మాత్తుగా పెరిగింది కాదన్నారు. బంగ్లాదేశ్‌కు చేరుతున్న శరణార్థుల సంఖ్య క్రమంగా పెరుగుతూ వస్తోందన్నారు. అలాగే, అనేకమంది శరణార్థులు గత లెక్కల్లోలేరని, ఇప్పుడు వీళ్లంతా తాజా లెక్కల్లోకి చేరారని వివరించారు. మయన్మార్‌లోలోని రఖీనా రాష్ట్రంలో అధికంగావున్న ముస్లిం మైనారిటీలను ఏరివేయడంపైనే సైన్యం దృష్టిన కారణంగా ఈ పరిస్థితి కనిపిస్తోందని అభిప్రాయపడ్డారు. అయితే, గత ఆగస్టు 25న ప్రభుత్వ బలగాలపై రోహింగ్యాలు మిలిటెంట్ దాడికి దిగిన తరువాత, రఖీనా రాష్ట్రాన్ని బలగాలు మరింత టార్గెట్ చేయడంతో వలసలు అంతకంతకూ పెరుగుతున్నాయని ఐరాస శరణార్థుల సంక్షేమ విభాగం అధికార ప్రతినిధి ఆండ్రెజ్ మహెసిక్ అభిప్రాయపడ్డారు. ‘ఈ పరిస్థితి బంగ్లాదేశ్- మయన్మార్ బోర్డర్‌లో శరణార్థుల సంఖ్య మరింత పెరగడానికి కారణమైంది’ అని వ్యాఖ్యానించారు. ‘గత ఆదివారం అర్థరాత్రి నుంచే 10నుంచి 15వేల మంది శరణార్థులు అంజుమన్ పారా సరిహద్దును దాటి బంగ్లాదేశ్‌లోని ఉఖియా జిల్లాలోకి అడుగుపెట్టారని ఆయన వెల్లడించారు. సైనిక దాడులకు భయపడే రఖినీ ప్రాంతంలోని మిగిలిన మైనారిటీ ముస్లింలు సైతం సరిహద్దులు దాటే ప్రయత్నాలు చేస్తున్నారని వివరించారు. ‘రఖినీలోని పరిస్థితుల నేపథ్యంలో రోహింగ్యాలు నిమిషాలు లెక్కపెట్టుకుంటున్నారు. ఆమేరకు బంగ్లాదేశ్‌కు వలస వస్తున్న రోహింగ్యాల సంఖ్య పెరుగుతూనే ఉంది’ అని మెహెసిస్ వ్యాఖ్యానించారు.
చిత్రం..మైన్మార్ నుంచి తాజాగా వలసవచ్చిన రోహింగ్యా శరణార్థులు
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.