అంతర్జాతీయం
మూడో కేసులోనూ నవాజ్‌కు అభిశంసన!
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, అక్టోబర్ 20: విదేశీ కంపెనీలు, అలాగే పెట్టుబడులకు సంబంధించిన 3వ అవినీతి కేసులో పాకిస్తాన్ మాజీ ప్రధాని నవాజ్ షరీఫ్‌ను అకౌంటబులిటీ కోర్టు అభిశంసించింది. షరీఫ్‌పై మొత్తం మూడు అవినీతి, మనీలాండరింగ్ కేసులు దాఖలయ్యాయి. కేసులను జాతీయ అకౌంటబులిటీ బ్యూరో దాఖలు చేసింది. గత నెల 8న షరీఫ్ కుటుంబ సభ్యులపై కూడా అవినీతి కేసులు దాఖలయ్యాయి. పనామా పత్రాల కుంభకోణంలో నవాజ్ షరీఫ్‌పై తీవ్ర ఆరోపణలు రావడంతో ఆయనను పాకిస్తాన్ సుప్రీం కోర్టు జూలై 28న బర్తరఫ్ చేసిన నేపథ్యంలో ఈ అవినీతి కేసులు దాఖలయ్యాయి. ప్రస్తుతం లండన్‌లో ఉన్న నవాజ్ తనపై దాఖలైన కేసులకు సంబంధించి, అలాగే తనను పదవి నుంచి తప్పించడం గురించి తీవ్ర స్వరంతో మాట్లాడారు. తాను లేకుండా తనకు సంబంధించిన కేసులను విచారించి తనను దోషిగా పరిగణించడం న్యాయాన్ని ఖూనీ చేయడమేనని ఆరోపించారు. ఈ నెల 26న జరిగే తదుపరి విచారణలోగా తాను పాకిస్తాన్ వస్తానని ఆయన వెల్లడించారు. అయితే ఆదివారం నాడే ఆయన స్వదేశానికి వచ్చే అవకాశం ఉందంటూ కథనాలు వెలువడ్డాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.