అంతర్జాతీయం
ఎన్‌ఎస్‌జిలో భారత్ సభ్యత్వంకు మెక్సికో మద్దతు
S ,7 à 8 RSCA (si SASPAS) et 6 cialis pharmacie cialis rapports de stage.
మెక్సికో సిటీ, జూన్ 9: అణు సరఫరా దేశాల కూటమి (ఎన్‌ఎస్‌జి)లో సభ్యత్వం పొందడానికి భారత్ చేస్తున్న ప్రయత్నాలకు మెక్సికో దేశం మద్దతు తెలిపింది. అయిదు దేశాల పర్యటనలో చివరి మజిలీగా గురువారం మెక్సికో చేరుకున్న ప్రధాని నరేంద్ర మోదీ ఆ దేశ అధ్యక్షుడు ఎన్రిక్ పినా నీటోతో వివిధ అంశాలపై సుదీర్ఘ చర్చలు జరిపారు. ప్రధానంగా వాణిజ్యం, పెట్టుబడులు, ఇన్ఫర్మేషన్ టెక్నాలజీ, ఇంధనం, రోదసీ రంగాలుసహా వివిధ రంగాల్లో సహకారాన్ని మరింత బలోపేతం చేసుకునే అంశంపై ఇరువురు నేతలు జర్చలు జరిపారు. చర్చల అనంతరం మోదీతో కలిసి మీడియాతో మాట్లాడిన మెక్సికో అధ్యక్షుడు నీటో ఎన్‌ఎస్‌జిలో సభ్యత్వం పొందడానికి భారత్ చేస్తున్న ప్రయత్నాలను మెక్సికో గుర్తించిందని, ఇందుకోసం మద్దతు ఇవ్వాలన్న ఆ దేశ అభ్యర్థనకు తాము సానుకూలంగా స్పందిస్తామని చెప్పారు. కాగా, మద్దతు ఇచ్చినందుకు మెక్సికోకు కృతజ్ఞతలు చెప్పిన మోదీ భారతదేశ ఇంధన భద్రతకు మెక్సికో ఒక ముఖ్యమైన భాగస్వామి అని అన్నారు. ఇరు దేశాల మధ్య సంబంధాలను వ్యూహాత్మక భాగస్వామ్యం స్థాయికి తీసుకెళ్లడానికి స్పష్టమైన ఫలితాలతో కూడిన రోడ్‌మ్యాప్‌ను రూపొందించడానికి కృషి చేయడానికి ఇరుదేశాలు అంగీకరించినట్లు ఆయన చెప్పారు.
48 దేశాలు సభ్యులుగా ఉన్న ఎన్‌ఎస్‌జిలో సభ్యత్వం పొందడానికి భారత్ చేసుకున్న అభ్యర్థనను చర్చించడానికి ఎన్‌ఎస్‌జి గురువారం వియన్నాలో సమావేశమవుతున్న తరుణంలో భారత్ సభ్యత్వానికి మెక్సికో మద్దతు లభించడం గమనార్హం. ఎన్‌ఎస్‌జి జూలై 24న సియోల్‌లో మరోసారి సమావేశం కానుంది. అణ్వస్త్ర వ్యాప్తి నిరోధానికి భారత్ చేస్తున్న కృషిని గుర్తించిన అమెరికాసహా ఎన్‌ఎస్‌జిలో సభ్యత్వం ఉన్న పలు దేశాలు ఇప్పటికే మనదేశం ఆ గ్రూపులో సభ్యత్వం పొందడానికి మద్దతు తెలియజేసిన విషయం తెలిసిందే. అయితే చైనా మాత్రం అణ్వస్త్ర వ్యాప్తి నిరోధక ఒప్పందంపై భారత్ సంతకం చేయలేదని చెప్తూ, మనదేశం ప్రయత్నాలను గట్టిగా వ్యతిరేకిస్తూ వస్తోంది. గత సోమవారం ప్రధాని మోదీ ఎన్‌ఎస్‌జిలో కీలక సభ్య దేశమైన స్విట్జర్లాండ్‌లో పర్యటించినప్పుడు ఆ దేశం మద్దతును కూడా సంపాదించిన విషయం తెలిసిందే.
భారత్ పయనం
అయిదు దేశాల పర్యటన ముగించుకుని ప్రధాని గురువారం భారత్ తిరుగుప్రయాణమయ్యారు. ఈ నెల 4న అయిదు దేశాల పర్యటనకు బయలుదేరిన మోదీ తొలుత అఫ్గానిస్థాన్, ఆ తర్వాత ఖతార్, స్విట్జర్లాండ్‌లలో పర్యటించిన అనంతరం అమెరికాలో మూడు రోజులు పర్యటించిన విషయం తెలిసిందే. తన పర్యటనలో చివరి మజిలీగా మెక్సికోలో కొద్దిసేపు ఆగిన మోదీ ఆ దేశ అధ్యక్షుడు ఎన్రిక్‌పినా నీటోతో కీలక చర్చలు జరిపారు.
చిత్రం మెక్సికోలో గురువారం ఆ దేశ అధ్యక్షుడు ఎన్రిక్ పినా నీటోతో
వివిధ అంశాలపై సుదీర్ఘ చర్చలు జరుపుతున్న ప్రధాని నరేంద్ర మోదీ
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.