అంతర్జాతీయం
పొగ మంచుతో ప్రమాదమే
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, నవంబర్ 16: భారత రాజధాని ఢిల్లీసహా దేశంలో అనేక నగరాలు, మరోపక్క పాకిస్తాన్‌లోని పలు పట్టణాల్లోనూ దట్టమైన పొగమంచు అలుముకోవడం అన్నది ప్రమాదకరమైనదేనని, అనారోగ్య పరిస్థితులకు దారితీసే అవకాశం ఉన్నదని అమెరికా వాతావరణ పరిశోధన సంస్థ హెచ్చరించింది. ఈ పట్టణాల్లో రానున్న కొన్ని నెలలపాటు వాయు నాణ్యతకు సంబంధించి ఇదే రకమైన ప్రతికూల పరిస్థితులు కొనసాగే అవకాశం ఉందని కూడా వెల్లడించింది. అంతేకాకుండా ఈ పట్టణాలు వాటంతట అవే మంచుమయమై ప్రమాదకర అనారోగ్య ప్రాంతాలుగా మారిపోయే అవకాశం ఉందని పేర్కొంది. ఉత్తర భారతంలోనూ పాకిస్తాన్‌లోనూ మంచు దట్టంగా అలముకునే కాలం కాబట్టి అతిశీతల పరిస్థితులకు, అలాగే కాలుష్య కారణంగా వాయు నాణ్యత తగ్గిపోవడానికి అవకాశం ఉందని తెలిపింది. ఈ రకమైన పరిస్థితులకు సంబంధించి ఉపగ్రహ ఛాయాచిత్రాలను కూడా ఈ జాతీయ సముద్ర, వాతావరణ నిర్వహణ సంస్థ (ఎన్‌ఓఏఏ) విడుదల చేసింది. ఇలాంటి పరిస్థితులకు దారితీస్తున్న కారణాలను, వాతావరణం కాలుష్యమయం కావడానికి ఏ అంశాలు దోహదం చేస్తున్నాయో కూడా ఈ సంస్థ వివరించింది. ఇంధనాన్ని మండించడం, పంటలను తగలబెట్టడం, ఇతరత్రా చోటుచేసుకున్న ఈ రకమైన పరిస్థితులే పొగమంచు అలముకోడానికి కారణాలవుతున్నాయని తెలిపింది. ఉత్తర భారతం, పాకిస్తాన్‌లోని కొన్ని పట్టణాల శివారు ప్రాంతాల్లో ఇలాంటి పరిస్థితులు తీవ్రంగా ఉన్నాయని అన్నారు. వీటివల్లే పట్టణాల్లో పొగమంచు ప్రమాదకర స్థాయికి చేరుకుందని సంస్థ వివరించింది. పొగమంచు తీవ్రతవల్ల వాయు కదలిక ఉండదని, ఇది కలుషితం కావడానికి ఎక్కువ అవకాశం ఉంటుందని వెల్లడించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.