అంతర్జాతీయం
మా ఆర్థికమంత్రి రాజీనామా చేయలేదు: పాక్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, నవంబర్ 18: తమ ఆర్థికమంత్రి ఇషాఖ్ దర్ రాజీనామా చేసినట్లు వస్తున్న వార్తల్లో నిజం లేదని పాకిస్తాన్ ప్రభుత్వం శనివారం స్పష్టం చేసింది. అవినీతి వ్యవహారాలకు సంబంధించి ‘పనామా పత్రాల’లో తన పేరు బయటపడడంతో ఇషాఖ్ పదవి నుంచి తప్పుకున్నట్టు వార్తలు వచ్చాయి. ‘జాతీయ జవాబుదారీతనం న్యాయస్థానం’ సెప్టెంబర్ 27న నేరారోపణలు చేసినప్పటికీ ఇషాఖ్ ఆర్థికమంత్రిగా కొనసాగడం పట్ల పాక్‌లోని విపక్షాలు విమర్శలు గుప్పించాయి. 67 ఏళ్ల ఇషాఖ్ తన పదవికి రాజీనామా చేసినట్లు వివిధ మీడియా చానళ్లతోపాటు జియో టీవీ వార్తలు ప్రసారం చేశాయి. ప్రస్తుతం నెలకొన్న సందిగ్ధతకు తెర దించాలని కోరుతూ ప్రధాని షాహిద్ అబ్బాసీకి ఇషాఖ్ రాజీనామా లేఖను పంపారని మీడియా కథనాలు చెబుతున్నాయి. కాగా, ఇషాఖ్ రాజీనామా చేయలేదని అయితే నిబంధనల ప్రకారం అతని మంత్రిత్వ శాఖను ప్రధానమంత్రి పర్యవేక్షిస్తున్నారని అధికార వర్గాలు తెలిపాయి. అనారోగ్యం లేదా అనివార్య కారణాల వల్ల ఎవరైనా మంత్రి తన బాధ్యతలను నిర్వహించలేనపుడు అతని మంత్రిత్వశాఖలను ప్రధాని చూడడం ఆనవాయితీ అని ప్రధానమంత్రి కార్యాలయ ప్రతినిధి తెలిపారు.
అవినీతి ఆరోపణలు ఎదుర్కొంటున్నందున ఇషాఖ్‌ను పదవి నుంచి తప్పించాలని ప్రభుత్వం నిర్ణయించినట్లు, వైద్యచికిత్సల పేరుతో ప్రస్తుతం ఇషాఖ్ బ్రిటన్‌లో ఉంటున్నట్లు పాక్ పత్రిక ‘డాన్’ పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.