అంతర్జాతీయం
జింబాబ్వే అధ్యక్షుడిగా మ్నన్‌గాగ్వా ప్రమాణ స్వీకారం
S ,7 à 8 RSCA (si SASPAS) et 6 cialis pharmacie cialis rapports de stage.
హరారే, నవంబర్ 24: ఎమ్మర్సన్ మ్నన్‌గాగ్వా శుక్రవారం జింబాబ్వే కొత్త అధ్యక్షుడిగా ప్రమాణ స్వీకారం చేశారు. ఇంతవరకు అధ్యక్షుడిగా పనిచేసిన రాబర్ట్ ముగాబేకు వ్యతిరేకంగా సైన్యం అధికారాన్ని హస్తగతం చేసుకున్న తరువాత దేశంలో నెలకొన్న రాజకీయ ప్రతిష్టంభనకు ఎమ్మర్సన్ ప్రమాణ స్వీకారంతో తెరపడింది. ఇటీవలి వరకు రాబర్ట్ ముగాబేకు అత్యంత సన్నిహితుల్లో ఒకరయిన ఎమ్మర్సన్ హరారే నగర శివార్లలోని నేషనల్ స్పోర్ట్స్ స్టేడియంలో వేలాది మంది మద్దతుదారులు, ఉన్నతాధికారులు, విదేశీ దౌత్యవేత్తల సమక్షంలో ప్రమాణ స్వీకారం చేశారు. భద్రతా బలగాలు స్టేడియం వద్ద, చుట్టుపక్కల గట్టి భద్రతా చర్యలు చేపట్టాయి. ఎమ్మర్సన్ మద్దతుదారుల్లో చాలా మంది ఉత్సాహంతో స్టేడియంలో, చుట్టుపక్కల నృత్యాలు చేశారు. డార్క్ సూట్, ఎరుపు రంగు టై ధరించి, ఛాతీపై పతకాలను వేసుకొని ఎమ్మర్సన్ దేశ కొత్త అధ్యక్షుడిగా ప్రమాణ స్వీకారం చేశారు. ‘మ్నన్‌గాగ్వా అధ్యక్ష బాధ్యతలు చేపడుతున్నందుకు మేము ఎంతో ఉద్వేగంగా ఉన్నాం. ఆయన నుంచి ఎంతో ఆశిస్తున్నాం. మేము సుదీర్ఘ కాలం పాటు నియంతల పాలనలో ఉన్నాం’ అని 23 ఏళ్ల షరోన్ వౌయకుఫా అన్నారు. ముగాబే గురించి ప్రస్తావిస్తూ, ‘ముగాబే చాలా వృద్ధుడు. ఆయన చేసిన నేరాలకు ఆయనను శిక్షిస్తారని మేము అనుకోవడం లేదు. 93 ఏళ్ల వృద్ధుడిని ఎలా శిక్షిస్తారు? కాని, అతని భార్య, ఇతరులు నేరం చేసి ఉంటే, కేసు నమోదు చేసి విచారించాలి’ అని షరోన్ పేర్కొన్నారు.
చిత్రం..ప్రమాణ స్వీకారం చేసిన అనంతరం ప్రజలకు అభివాదం చేస్తున్న జింబాబ్వే కొత్త అధ్యక్షుడు ఎమ్మర్సన్ మ్నన్‌గాగ్వా
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.