అంతర్జాతీయం
139 మంది సైనికులకు ‘ఉరి’ సరైనదే
S ,7 à 8 RSCA (si SASPAS) et 6 cialis pharmacie cialis rapports de stage.
ఢాకా, నవంబర్ 27: ‘బంగ్లాదేశ్ రైఫిల్స్’ (బిడిఆర్)కు చెందిన 139 మంది సైనికులకు మరణశిక్ష, మరో 146 మంది సైనికులకు యావజ్జీవ జైలుశిక్ష విధించాలన్న కింది కోర్టు తీర్పును బంగ్లాదేశ్ హైకోర్టు సమర్థించింది. 2009లో దేశంలో తిరుగుబాటు సందర్భంగా 74 మంది పౌరులను, 57 ఆర్మీ అధికారులను బిడిఆర్ సైనికులు హతమార్చినందుకు ఈ శిక్షలను విధించారు. కింది కోర్టు తీసుకున్న నిర్ణయంపై వాదనలు ముగిశాక హైకోర్టు శిక్షలను ఖరారు చేసింది. ఈ కేసులో 139 మంది సైనికులకు ఉరిశిక్షను, 146 మందికి యావజ్జీవ జైలు శిక్షను హైకోర్టు ఖరారు చేసిందని అటార్నీ జనరల్ మహబూబే ఆలం సోమవారం మీడియాకు తెలిపారు. హైకోర్టులోని ముగ్గురు న్యాయమూర్తుల ధర్మాసనం ఈ తీర్పు ఇచ్చిందని ఆయన వివరించారు. ఢాకాలోని కింది కోర్టు తీర్పు ఇచ్చిన నాలుగేళ్లకు హైకోర్టు తన నిర్ణయాన్ని వెల్లడించింది. 152 మందికి ఉరిశిక్షను, 158 మందికి యావజ్జీవ జైలుశిక్షను విధించాలని కింది కోర్టు గతంలో తీర్పు ఇచ్చింది. బంగ్లాదేశ్‌లో ఇది అతిపెద్ద క్రిమినల్ కేసు అని హైకోర్టు వ్యాఖ్యానించింది. బంగ్లాదేశ్ రైఫిల్స్‌లో (ప్రస్తుతం ‘బోర్డు గార్డు బంగ్లాదేశ్-బిజిబి) పనిచేస్తున్న సైనికులు తిరుగుబాటు సందర్భంగా ఎంతోమంది పౌరులను, ఆర్మీ అధికారులను హతమార్చినట్లు కేసులు నమోదయ్యాయి. ఈ దారుణాలకు సంబంధించి సుమారు 800 మంది పారామిలటరీ సైనికులపై విచారణ జరిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.