అంతర్జాతీయం
‘లష్కరే’కు అతిపెద్ద అభిమానిని
S ,7 à 8 RSCA (si SASPAS) et 6 cialis pharmacie cialis rapports de stage.
కరాచీ, నవంబర్ 29: ప్రముఖ ఉగ్రవాద సంస్థ ‘లష్కరే తోయిబా’కు, ఆ సంస్థ వ్యవస్థాపకుడైన హఫీజ్ సరుూద్‌కు తాను ‘అతిపెద్ద మద్దతుదారు’నని పాకిస్తాన్ మాజీ అధ్యక్షుడు పర్వేజ్ ముషారఫ్ తన అంతరంగాన్ని ఆవిష్కరించారు. కాశ్మీర్‌లో భారతీయ ఆర్మీని అణచివేయడంలో ఉగ్రవాదుల పాత్రను తాను ఎంతగానో అభినందిస్తానని 74 ఏళ్ల ముషారఫ్ ‘ఏఆర్‌వై’ వార్తాసంస్థకు ఇచ్చిన తాజా ఇంటర్వ్యూలో స్పష్టం చేశారు. లష్కరే తోయిబాకు తానంటే ఇష్టమన్న సంగతి తనకూ తెలుసునని అన్నారు. 26/11 ముంబయి దాడులకు సూత్రధారి అయిన హఫీజ్ సరుూద్‌ను తానెంతో అభిమానిస్తానని ఆయన తెలిపారు. ‘కాశ్మీర్ అంశంలో జోక్యం చేసుకుంటున్నందుకు’ సరుూద్ అంటే తనకు ఇష్టమన్నారు. నెలల తరబడి గృహనిర్బంధంలో ఉన్న సరుూద్‌ను పాక్ ప్రభుత్వం కొద్దిరోజుల క్రితం విడుదల చేసిన నేపథ్యంలో ముషారఫ్ ఈ వ్యాఖ్యలు చేయడం గమనార్హం. దుబాయ్‌లో ఉంటూ, 23 రాజకీయ పార్టీలతో ‘మహాకూటమి’ని ఏర్పాటు చేసినట్లు ఇటీవల ప్రకటించిన ముషారఫ్- జమ్మూ కాశ్మీర్‌లో ‘చర్య’లను, కాశ్మీర్‌లో భారతీయ ఆర్మీని అణచివేయడాన్ని తాను సమర్థిస్తానని తెలిపారు. ‘లష్కరే తోయిబా ఇపుడు ఓ బలమైన శక్తి.. అమెరికాతో పాక్ విభేదించాక ‘లష్కరే’ కార్యకర్తలను ఉగ్రవాదులుగా భారత్ ప్రకటించింది.. ఉగ్రవాదులు కాశ్మీర్‌తో ప్రమేయం కలిగి ఉన్నారు.. అయితే- కాశ్మీర్ అంశం పాక్, భారత్‌లకు సంబంధించినది..’ అన్నారు. లష్కరే తోయిబాను అమితంగా అభిమానిస్తున్నట్లు ముషారఫ్ ఇపుడు చెబుతుండగా, నిజానికి ఆయన హయాంలోనే ఆ సంస్థపై నిషేధం విధించారు. ఇదే విషయాన్ని ప్రశ్నించగా- ‘్భన్నమైన పరిస్థితుల’లో అలా నిషేధించాల్సి వచ్చిందని ఆయన దాటవేశారు. హఫీజ్ సరుూద్‌ను గృహనిర్బంధం నుంచి పాక్ ప్రభుత్వం విడుదల చేశాక, అతడిని తిరిగి అరెస్టు చేయాలని అమెరికా డిమాండ్ చేసిన సంగతి తెలిసిందే. ఉగ్రవాదుల జాబితా నుంచి తనపేరును తొలగించాలని సరుూద్ ఐక్యరాజ్యసమితి భద్రతామండలిలో పిటిషన్ కూడా దాఖలు చేశారు. ఈ నేపథ్యంలో ముషారఫ్ సరుూద్‌ను ప్రశంసలతో ముంచెత్తారు. 2008 నవంబర్ 11న జరిగిన ముంబయి పేలుళ్లలో 166 మంది మరణానికి కారకుడైన సరుూద్‌ను ‘అంతర్జాతీయ ఉగ్రవాదుల జాబితా’లో చేర్చు తూ ఐక్యరాజ్యసమితి భద్రతామండలి 2008 డిసెంబర్‌లో ఓ తీర్మానం చేసింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.