అంతర్జాతీయం
పాక్ ఎన్నికల్లో సరుూద్ పోటీ?
S ,7 à 8 RSCA (si SASPAS) et 6 cialis pharmacie cialis rapports de stage.
లాహోర్, డిసెంబర్ 3: తొమ్మిదేళ్ల క్రితం భారత వాణిజ్య నగరం ముంబయిపై జరిగిన ఉగ్రదాడికి కుట్రదారుగా భావిస్తున్న హఫీజ్ సరుూద్ సారథ్యంలోని జమాత్ ఉద్ దవా పార్టీ వచ్చే ఏడాది జరగనున్న పాకిస్తాన్ సాధారణ ఎన్నికల్లో పోటీ చేయబోతోంది. ఇందుకు సంబంధించిన రాజకీయ సంకేతాలను హఫీజ్ సరుూద్ అందించారు. అయితే మిల్లీ ముస్లింలీగ్ పేరుతోనే తాము ఎన్నికల్లో పోటీ చేస్తామని, దీన్నో రాజకీయ పార్టీగా ఎన్నికల కమిషన్ ముందు నమోదు చేసుకుంటామని సరుూద్ వెల్లడించారు. 2008లో జరిగిన ముంబయి ఉగ్రదాడికి సారథ్యం వహించిన లష్కరే తోయిబా కీలక సంస్థగా భావిస్తున్న జమాత్ ఉద్ దవాపై నిషేధం అమలులో ఉన్న విషయం తెలిసిందే. ఇప్పటికీ సరుూద్‌ను అంతర్జాతీయ ఉగ్రవాదిగా అమెరికా, ఐక్యరాజ్య సమితి ప్రకటించాయి. ఇక్కడి పార్టీ ప్రధాన కార్యాలయంలో మీడియాను ఉద్దేశించి మాట్లాడిన సరుూద్ 2018 సంవత్సరాన్ని కాశ్మీరీలకే అంకితం చేస్తున్నామని ప్రకటించారు. ఎలాంటి ఇబ్బందులు ఎదురైనా కాశ్మీరీల పోరాటానికి మద్దతు కొనసాగిస్తామని స్పష్టం చేశారు. కాశ్మీర్‌పై నోరెత్తకుండా భారత్ తమపై ఒత్తిడి తెస్తోందని పేర్కొన్న ఆయన పరోక్ష దౌత్యం వల్లే కాశ్మీర్ లక్ష్యానికి విఘాతం కలుగుతుందని పాకిస్తాన్ ప్రభుత్వానికి స్పష్టం చేశారు. తమను పాకిస్తాన్‌లో, హురియత్ నేతలను భారత్‌లో నిర్బంధించడం వెనుక అంతర్జాతీయ కుట్ర ఉందన్నారు. కాశ్మీరీల లక్ష్యాన్ని దెబ్బతీయడానికే ఇలా చేస్తున్నారని గృహ నిర్బంధం నుంచి తాను విడుదల కావడం భారత్‌కు తీవ్ర ఆగ్రహాన్ని తెప్పించిందని సరుూద్ పేర్కొన్నారు. కాశ్మీరీలపై దాడులను ఆపనంతవరకు తమ పోరాటం ఆగే ప్రసక్తి లేదని, మరింతగా దీన్ని తీవ్రతరం చేస్తామని తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.