అంతర్జాతీయం
అరుణాచల్.. అదెక్కడ? ఉనికినే మేం గుర్తించలేదు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, జనవరి 3: భారత దేశంలో అంతర్భాగమైన అరుణాచల్ ప్రదేశ్ ఉనికిని తాము ఎన్నడూ గుర్తించలేదని చైనా బుధవారం స్పష్టం చేసింది. అలాగే అరుణాచల్‌లోకి తమ సైనిక దళాల చొరబాటుపైనా వౌనం వహించింది. అరుణాచల్ ప్రదేశ్‌లోని సియాంగ్ జిల్లాలో దాదాపు 200 మీటర్లమేర తమ దళాలు చొరబడ్డాయన్న కథనాలపై చైనా విదేశాంగ మంత్రిత్వశాఖ తీవ్రంగానే స్పందించింది. అసలు అరుణాచల్ ప్రదేశ్ ఉందన్న విషయానే్న తాము ఎప్పుడూ గుర్తించలేదని దీర్ఘకాలంగా ఇదే వైఖరితో ఉన్నామని చైనా విదేశాంగ మంత్రిత్వశాఖ అధికార ప్రతినిధి జంగ్ షువాంగ్ స్పష్టం చేశారు. అసలు తమ దళాలు అరుణాచల్ భూ భాగంలోకి చొరబడ్డాయన్న విషయం తమకు తెలియదని అన్నారు. అరుణాచల్‌ను దక్షిణ టిబెట్‌లో అంతర్భాగంగానే చైనా పరిగణిస్తోంది. దరిమిలా దాదాపు3,488 కిలోమీటర్లమేర వాస్తవాధీనరేఖ ప్రాంతంలో ఇరుదేశాల మధ్య వివాదం కొనసాగుతోంది. గత నెలలో చైనా దళాలు అరుణాచల్‌లోకి ప్రవేశించడాన్ని భారత్ దళాలు నిరోధించాయని, దానితో తమ నిర్మాణ సామగ్రిని అక్కడే వదిలేసి చైనా సైన్యం వెళ్లిపోయినట్టుగా కథనాలు వచ్చాయి. సరిహద్దు సమస్య పరిష్కారంపై భారత్-చైనాలు పటుతరమైన యంత్రాంగాన్ని ఏర్పాటు చేసుకున్నాయని ఈ సందర్భంగా ఆయన స్పష్టం చేశారు. సరిహద్దుల్లో శాంతి, సుస్థిరతను కాపాడుకోవడం ఇరుదేశాలకు ఎంతో అవసరమన్నారు. డోక్లాం తరహాలో తలెత్తినట్టుగానే భారత్-చైనాల మధ్య మరో ప్రతిష్టంభనకు అవకాశం ఉందా? అన్న ప్రశ్నకు‘ ఆ జఠిల సమస్యను గత ఏడాదే పరిష్కరించుకున్నాం’అని చైనా ప్రతినిధి బదులిచ్చారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.