అంతర్జాతీయం
హెచ్-1బీ వీసా పొడిగింపు ఉండదు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జనవరి 3: అమెరికా అధ్యక్ష ఎన్నికల సమయంలో డొనాల్డ్ ట్రంప్ ఇచ్చిన ‘బై అమెరికన్, హైర్ అమెరికన్’ నినాదం ఫలితంగా హెచ్-1బీ వీసాలను నియంత్రించేందుకు రంగం సిద్ధమైంది. ట్రంప్ ప్రతిపాదించిన సవరణ బిల్లు ఆమోదం పొందితే దాదాపు 5 లక్షల మంది భారతీయులు అమెరికాలో ఉద్యోగాలకు దూరమై, సొంత గడ్డకు పయనం కావల్సి ఉంటుందని ఓ అంచనా. అమెరికాలో శాశ్వత నివాసం కోసం గ్రీన్‌కార్డు పొందాలని ఎదురుచూసే వారికి ఇకమీదట పొడిగింపు ఇవ్వరాదని ట్రంప్ యంత్రాంగం యోచిస్తోంది. 2016 అమెరికా అధ్యక్ష ఎన్నికల వేళ ఆ దేశ ప్రజలకు ట్రంప్ ఇచ్చిన హామీ మేరకు హెచ్-1బీ వీసాలకు పొడిగింపు ఇవ్వరాదని, అందుకు కొత్త నిబంధనలు తీసుకురావాలని ‘డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీస్’ పేర్కొంటోంది. అమెరికాలో ప్రస్తుత చట్టం ప్రకారం అక్కడ ఉద్యోగాలు చేసే విదేశీయులు హెచ్-1బీ వీసా పొందితే మొదట మూడేళ్ల కాలపరిమితితో పాటు మరో మూడేళ్లు పొడిగింపునకు అవకాశం ఉంది. మొత్తం ఈ ఆరేళ్ల కాలంలో వారి గ్రీన్‌కార్డు దరఖాస్తు పెండింగ్‌లో ఉంటే, పరిశీలన పూర్తయ్యేవరకూ పొడిగింపు లభిస్తుంది. అయితే, ట్రంప్ ప్రభుత్వం ప్రతిపాదిస్తున్న సవరణల పుణ్యమాని ఇక ఎలాంటి పొడిగింపులు ఉండవు. గ్రీన్‌కార్డు దరఖాస్తు పెండింగ్‌లో ఉండగా వీసాను పునరుద్ధరించక పోవడమే ఈ సవరణ ముఖ్య ఉద్దేశం. సవరణ బిల్లు వల్ల అమెరికాకు ఉద్యోగాల రీత్యా వలస వచ్చిన వారికి ముఖ్యంగా భారతీయులకు ఇక గడ్డుకాలం తప్పదంటున్నారు. అమెరికాలోని ఐటీ సంస్థలు హెచ్-1బీ వీసాలపై ఆధారపడి వేలాదిమంది భారతీయులకు ఉద్యోగాలు ఇస్తున్నాయి. దీంతో దాదాపు సగం మంది ఇంటిముఖం పట్టే అవకాశాలున్నాయని ఓ నివేదికలో పేర్కొన్నారు. దశాబ్దాకాలానికి పైగా గ్రీన్‌కార్డు కోసం ఎదురుచూస్తున్నవారికి, అమెరికా పౌరసత్వం కలిగిన పిల్లలకు, అక్కడ ఇళ్లు కలిగినవారికి ఇబ్బందులు తప్పవని బారక్ ఒబామా హయాంలో న్యాయశాఖలో పనిచేసిన లియోన్ ఫ్రెస్కో అంటున్నారు.
హెచ్-1బీ వీసా కలిగిన సుమారు 1 మిలియన్ మంది ప్రస్తుతం గ్రీన్‌కార్డుల కోసం ఎదురుచూస్తున్నారని ఆయన తెలిపారు. హెచ్-1బీ వీసాల వినియోగంలో, మంజూరులో భారీగా అవకతవకలు జరిగాయని ఎన్నికల సమయంలో ఆరోపించిన ట్రంప్ అమెరికా అధ్యక్షుడిగా బాధ్యతలు చేపట్టిన క్షణం నుంచి వీసాల విషయమై సంస్కరణలు అమలు చేసేందుకు వెనక్కి తగ్గేది లేదని స్పష్టం చేస్తున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.