అంతర్జాతీయం
పాక్ సెనేటర్‌గా కోల్హి ప్రమాణం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, మార్చి 12: పాకిస్తాన్ చరిత్రలో తొలిసారిగా ఓ హిందూ దళిత మహిళ సెనేటర్‌గా ఎన్నికై చరిత్ర సృష్టించింది. ఎగువ సభలో సోమవారం ప్రమాణ స్వీకారం చేసిన 51మంది సెనేటర్లలో ఈమె కూడా ఒకరు. సింధ్ ప్రావిన్స్‌కు చెందిన నాగర్‌పార్కర్ ప్రాంతంలోని మారుమూల గ్రామం థార్‌కు చెందిన కృష్ణకుమారి కోల్హి అనే హిందూ దళిత మహిళ ఈ నెల 3న జరిగిన ఎన్నికల్లో విజయం సాధించింది. బిలావల్ భుట్టో జర్దారీ నాయకత్వంలోని పాకిస్తాన్ పీపుల్స్ పార్టీ తరఫున కృష్ణకుమారి పోటీచేసి చట్టసభల్లోకి అడుగుపెట్టింది. సింధ్ ప్రావిన్స్ నుంచి మైనారిటీ కోటా కింద కృష్ణకుమారికి టికెట్ కేటాయించారు. ప్రమాణ స్వీకారం సందర్భంగా కృష్ణకుమారి తన కుటుంబ సభ్యులతో, థారీ సంప్రదాయ దుస్తుల్లో పార్లమెంటుకు విచ్చేశారు. ప్రమాణ స్వీకారం అనంతరం కృష్ణకుమారి మీడియాతో మాట్లాడుతూ ప్రజారోగ్యం, రక్షిత నీటి సరఫరా కోసం ప్రత్యేకంగా కృషి చేస్తానని పేర్కొన్నారు. అలాగే మహిళలు ఎదుర్కొంటున్న సమస్యలను చట్టసభల దృష్టికి తీసుకువెళ్లి పరిష్కారానికి కృషి చేస్తానన్నారు. మహిళలు, మైనారిటీ హక్కుల సాధనలో తన విజయం ఓ మైలురాయి అని తెలిపారు. కాగా, సోమవారం జరిగిన ప్రమాణ స్వీకార కార్యక్రమానికి మాజీ ఆర్థిక మంత్రి, పనామా కుంభకోణంలో ఆరోపణలు ఎదుర్కొంటున్న ఇషాక్ దర్ హాజరుకాలేదు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.