అంతర్జాతీయం
టిల్లర్‌సన్ ఔట్
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, మార్చి 13: సంచలనాలకు మారుపేరైన అమెరికా అధ్యక్షుడు డొనాల్డ్ ట్రంప్ మరో కీలక నిర్ణయం తీసుకున్నారు. విదేశాంగ మంత్రి రెక్స్ టిల్లర్‌సన్‌కు ఉద్వాసన చెప్పేసి ఆయన స్థానంలో సీఐఏ డైరెక్టర్ మైక్ పొంపెయోను నియమించారు. ఈ విషయాన్ని ట్రంప్ మంగళవారం ట్వీట్ చేశారు. ‘టిల్లర్‌సన్ స్థానంలో మైక్ పొంపెయోను నియమించాం. ఇక నుంచి అమెరికా కొత్త విదేశాంగ మంత్రి పొంపెయో. పొంపెయో అద్భుతంగా పనిచేస్తారు’అని ట్రంప్ ప్రకటించారు. సెంట్రల్ ఇంటిలిజెన్స్ ఏజన్సీ(సీఐఏ) డిప్యూటీ డైరెక్టర్ గినా హాస్పల్‌ను పొంపెయో స్థానంలో సీఐఏ కొత్త డైరెక్టర్‌గా నియమించారు. ప్రభుత్వంలో అత్యంత కీలకమైన విభాగం సీఐఏకు తొలిసారి ఓ మహిళను డైరెక్టర్‌గా నియమించి ట్రంప్ సంచలన నిర్ణయం తీసుకున్నారు. ‘ఈ క్లిష్ట సమయంలో మైక్ నియామకం తప్పనిసరి. అందుకే ఆయనను ఉన్నత పదవిలో నియమించాం. పైగా విదేశాంగ మంత్రి పదవికి మైక్ అత్యంత సమర్ధతగల నేత’అని డొనాల్డ్ ట్రంప్ ట్విట్టర్‌లో స్పష్టం చేశారు.‘ సైన్యంలోనూ పార్లమెంట్‌లోనూ ఎంతో అనుభవం ఉంది. సీఐఏను ముందుండి నడిపి వనె్నతెచ్చారు’ అని మైక్ పొంపెయోను ఉద్దేశించి ఓ ప్రకటనలో పేర్కొన్నారు. కొత్త సీఐఏ డైరెక్టర్ గినా హాస్పెల్‌కు అభినందనలు తెలుపుతూ ట్రంప్ మరో ట్వీట్ చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.