అంతర్జాతీయం
ఆయుధ అక్రమ రవాణాను ఆపండి
S ,7 à 8 RSCA (si SASPAS) et 6 cialis pharmacie cialis rapports de stage.
యునైటెడ్ నేషన్స్, మార్చి 21: ఆయుధాల అక్రమ రవాణా అరికట్టేందుకు నిఘా పెంచడంతోపాటు సంబంధిత యంత్రాంగాన్ని పటిష్టం చేయాలని ఐక్యరాజ్య సమితిని భారత్ కోరింది. చిన్న, తేలికపాటి ఆయుధాలు, పేలుడు పదార్థాలు సరిహద్దులు దాటి అక్రమంగా రవాణా అవుతున్నాయని భారత్ ఆందోళన వ్యక్తం చేసింది. దీనికి అడ్డుకట్టవేయడానికి ఐరాస చర్యలు తీసుకోవాలని విజ్ఞప్తి చేసింది. విదేశాంగ శాఖ అండర్ సెక్రెటరీ నిధి తివారీ ఆయుధాల అక్రమ రవాణా అంశాన్ని అంతర్జాతీయ వేదికపై ప్రస్తావించారు. ప్రొగ్రాం ఆఫ్ యాక్షన్ టు ప్రివెంట్(పీఓఏ)ను పటిష్టంగా అమలుచేయడానికి చర్యలు తీసుకోవాలని స్పష్టం చేశారు. ఐరాసలో జరిగిన పీఏఓ సన్నాహక కమిటీ సమావేశంలో భారత జాతీయ భద్రత అనేక సవాళ్లను ఎదుర్కొంటోందని తెలిపారు. ఉగ్రవాదం, స్మగ్లింగ్, వ్యవస్థీకృత నేరాలు, మాదకద్రవ్యాల అక్రమ రవాణా, పైరసీ ప్రతికూల ప్రభావాన్ని చూపుతున్నాయని తెలిపారు. ఇందులో చిన్న, తేలికపాటి ఆయుధాల అక్రమ రవాణా అత్యంత హానికరమని భారత్ ఆందోళన వ్యక్తం చేసింది. వీటన్నింటి పట్ల తాము అత్యంత కఠినంగానే వ్యవహిస్తున్నామని వెల్లడించారు. అయినప్పటికీ పొరుగు దేశాల నుంచి సరిహద్దులు దాటి ఆయుధాలు అక్రమ రవాణా అవుతున్నాయని చెప్పారు. ‘పీఏఓను మరింత పటిష్టంగా అమలుచేయడం ద్వారా ఆయుధ రవాణా, స్మగ్లింగ్ వంటి అసాంఘిక చర్యలను అడ్డుకోగలం’ అని స్పష్టం చేశారు. ఇలాంటి పరిస్థితుల్లో వందల కిలోమీటర్ల సరిహద్దులో భద్రతా సిబ్బంది పెను సవాల్‌నే ఎదుర్కొంటున్నారని నిధి తెలిపారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.