అంతర్జాతీయం
పుడమి నెత్తిన మరో స్పేస్‌స్టేషన్
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఏప్రిల్ 1: నాటి స్కైలాబ్‌ను తలపించే రీతిలో నేడు మరో స్పేస్ స్టేషన్ భూమి మీద కుప్పకూలబోతోంది. చైనా అత్యంత ప్రతిష్ఠాత్మకంగా నిర్మించిన రోదసి స్పేస్ స్టేషన్ తియాంగాంగ్-1 సోమవారం భూ వాతావరణంలోకి ప్రవేశించబోతోంది. దీని శకలాలు ఆస్ట్రేలియా నుంచి అమెరికా మధ్య ఎక్కడైనా భూమి మీద పడే అవకాశాలు ఉన్నాయని నిపుణులు చెబుతున్నారు. అయితే ఈ శకలాల వల్ల భూమికి ఏ రకమైన నష్టం వాటిల్లే అవకాశం లేదని నిపుణుల ధీమా. భూ వాతావరణంలోకి ప్రవేశించిన వెంటనే ఈ స్పేస్ స్టేషన్ దగ్ధమైపోతుందని చెబుతున్న శాస్తవ్రేత్తలు నాటి 80 టన్నుల స్కైలాబ్, 140 టన్నుల మిర్ స్పేస్ స్టేషన్లు కుప్పకూలిన ఉదంతాన్ని గుర్తుచేస్తున్నారు. చైనా స్పేస్ స్టేషన్ శకలాలు భూమి మీద పడటం వల్ల పౌరయాన సర్వీసులకు ఎలాంటి ఇబ్బంది ఉండదని, అలాగే పుడమికి ఎలాంటి నష్టం వాటిల్లబోదని చైనా అధికార జిన్హువా వార్తాసంస్థ తెలిపింది. ఇప్పటికీ ఈ స్పేస్ స్టేషన్ భూ వాతావరణంలోకి దూసుకొస్తోందని, ఒక్కసారి ఈ వాతావరణంలోకి ఇది ప్రవేశించిన వెంటనే అధిక ఉష్ణోగ్రత పీడనం వల్ల దాని ప్రధాన నిర్మాణం పేలిపోతుందని వెల్లడించింది. 80 కి.మీ ఎత్తులోనే ఈ స్పేస్ స్టేషన్ తునాతునకలైపోతుందని, ఆ ముక్కలు మండుతున్న దశలోనే భూమి దిశగా పడే అవకాశం ఉంటుందని చాలామటుకు అది గాలిలోనే ఆవిరైపోయే అవకాశమూ ఉందని ఈ వార్తాసంస్థ తెలిపింది. ఈ స్పేస్ స్టేషన్ శకలాలు స్వల్ప పరిమాణంలోనే భూమిమీద పడే అవకాశం ఉందని, వాటి ద్రవ్యరాశి తక్కువగా ఉండటం వల్ల వాటి వేగమూ తగ్గుతుందని తెలిపింది. చైనా కాలమానం ప్రకారం సోమవారం ఉదయం 7.25 నిమిషాలకు ఈ స్పేస్ స్టేషన్ భూవాతావరణంలోకి ప్రవేశించే అవకాశం ఉందని ఐరోపా స్పేస్ ఏజెన్సీ తెలిపింది. దీనివల్ల భూమికి ఎలాంటి నష్టం వాటిల్లే అవకాశం లేకపోయినా ముందుజాగ్రత్త చర్యగా అత్యవసర బృందాలను ఏర్పాటుచేశారు. రెండు సంవత్సరాల కాలవ్యవధితో 2011లో ఈ స్పేస్ స్టేషన్‌ను చైనా ప్రయోగించింది. 2013 నాటికే దీని కాలపరిమితీ తీరిపోయింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.