అంతర్జాతీయం
అఫ్గాన్‌లో రక్తపాతం
S ,7 à 8 RSCA (si SASPAS) et 6 cialis pharmacie cialis rapports de stage.
కాబూల్, ఏప్రిల్ 22: అఫ్గానిస్తాన్‌లో ఇస్లామిక్ మిలిటెంట్లు మరోసారి రక్తపాతం సృష్టించారు. రాజధాని కాబూల్‌లో ఆదివారం ఓ రిజిస్ట్రేషన్ కేంద్రం వద్ద ఆత్మాహుతి దాడికి పాల్పడి 48మంది ప్రాణాలు బలిగొన్నారు. మరో 112మంది దాడిలో క్షతగాత్రులయ్యారు. అఫ్గాన్‌లో ఎన్నికల సన్నాహక ప్రయత్నాల్లో భాగంగా ఓటరు నమోదు జరుగుతున్న సమయంలో దాడి జరిగింది. మృతుల్లో మహిళలు, పిల్లలే ఎక్కువ సంఖ్యలోఉన్నట్టు అధికార వర్గాలు తెలిపాయి. దాడి నేపథ్యంలో అక్టోబర్ 20న తొలిదశ ఎన్నికలకు సంబంధించిన భద్రతా పరిస్థితులపైనే ఆందోళన నెలకొంది. వచ్చే ఏడాది జరగనున్న దేశధ్యక్ష ఎన్నికల సన్నాహక ప్రయత్నాల్లో భాగం గా ప్రస్తుతం శాసన ఎన్నికలను నిర్వహిస్తున్నారు. రిజిస్ట్రేషన్ కేంద్రం ప్రవేశ ద్వారం వద్దే ఐసిస్ మిలిటెంట్లు ఈ ఘాతుకానికి పాల్పడ్డారని కాబూల్ పోలీస్ బాస్ తెలిపారు. ఈ దాడికి తామే పాల్పడ్డామని ఐసిస్ అనుబంధ సంస్థ అమాక్ ప్రకటించుకుంది. వచ్చే ఎన్నికల్లో ఓటు వేయాలంటే ఓటర్లంతా తమ పేర్లను నమోదు చేసుకోవాల్సి ఉండటంతో, భారీ సంఖ్యలో ఓటరు నమోదు కేంద్రానికి ప్రజలు తరలి వచ్చారని అధికారులు తెలిపారు. దాడి అనంతరం ఆ ప్రాంతమంతా రక్తసిక్తమైంది. ఈ దాడిపట్ల ప్రపంచ దేశాలు తీవ్ర ఆగ్రహాన్ని వక్తం చేశాయి. ఐసిస్ మిలిటెంట్ల అమానుషత్వానికి ఈదాడి అద్దం పడుతోందని అమెరికా రాయబారి జాన్ బాస్ అన్నారు. నాటో కూడా దాడిని తీవ్రంగా ఖండించింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.