అంతర్జాతీయం
హిల్లరీ క్లింటన్‌కు భారత్‌నుంచి విరాళాలు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, జూన్ 25: అమెరికా అధ్యక్ష పదవికి రిపబ్లిన్ పార్టీ అభ్యర్థిగా దాదాపు ఖరారయిన డొనాల్డ్ ట్రంప్ తన ప్రత్యర్థి హిల్లరీ క్లింటన్‌పై విరాళాలకు సంబంధించి తీవ్రమైన ఆరోపణలు చేశారు. భారత్-అమెరికా అణు ఒప్పందానికి అనుకూలంగా ఓటు వేయడానికి భారతీయ రాజకీయ నేతలు, సంస్థలనుంచి హిల్లరీ క్లింటన్ భారీఎత్తున ముడుపులు అందుకున్నారని ట్రంప్ మరోసారి ఆరోపించారు. ట్రంప్ గతంలో కూడా హిల్లరీ క్లింటన్‌పై చాలాసార్లు ఇలాంటి ఆరోపణలే చేయగా, ఆమె వాటిని ఖండించారు. అయితే త్వరలో జరగబోయే అధ్యక్ష ఎన్నికల్లో హిల్లరీ క్లింటన్ తన ప్రత్యర్థి అయ్యే అవకాశాలు పుష్కలంగా ఉండడంతో ట్రంప్ ఆమెపై విమర్శల జోరు పెంచారు. న్యూయార్క్‌లో గత వారం ట్రంప్ చేసిన ప్రసంగంలో హిల్లరీ క్లింటన్‌పై చేసిన 50కిపైగా ఆరోపణలను ఉటంకిస్తూ ట్రంప్ ప్రచార బృందం విడుదల చేసిన 32 పేజీల బుక్‌లెట్‌లో మరోసారి ఈ ఆరోపణ చేశారు. 2008 సంవత్సరంలో భారత రాజకీయ నాయకుడు అమర్‌సింగ్ క్లింటన్ ఫౌండేషన్‌కు లక్ష డాలర్లనుంచి 5 లక్షల డాలర్ల దాకా విరాళాలు ఇచ్చారంటూ న్యూయార్క్ టైమ్స్ పత్రిక ప్రచురించిన కథనాన్ని ఉటంకిస్తూ ట్రంప్ ప్రచార బృందం ఈ ఆరోపణలు చేసింది. అమర్‌సింగ్ చాలాసార్లు అమెరికా వచ్చి అణు ఒప్పందానికి అనుకూలంగా లాబీయింగ్ జరిపారని, అప్పుడు సెనేటర్‌గా ఉండిన హిల్లరీ అణు ఒప్పందాన్ని అడ్డుకోబోమని ఆయనకు హామీ ఇచ్చారని, దానికి కృతజ్ఞతగానే ఆమె ఫౌండేషన్‌కు విరాళాలు ఇచ్చారని ఆ బుక్‌లెట్‌లో పేర్కొన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.