అంతర్జాతీయం
మళ్లీ రెఫరెండం
S ,7 à 8 RSCA (si SASPAS) et 6 cialis pharmacie cialis rapports de stage.
లండన్, జూన్ 25: యూరోపియన్ యూనియన్ నుంచి వైదొలగడానికి అనుకూలంగా గురువారం జరిగిన రెఫరెండంలో తీర్పు రావడంతో షాక్ తిన్న బ్రిటన్‌వాసులు మరోసారి రెఫరెండం నిర్వహించాలని డిమాండ్ చేస్తున్నారు. మళ్లీ రెఫరెండం కోరుతూ పెట్టిన ఆన్‌లైన్ పిటిషన్‌పై సంతకాలు చేసిన వారి సంఖ్య ఒక్క రోజులోనే పదిలక్షలు దాటేసింది. అధికారిక పార్లమెంటరీ వెబ్‌సైట్‌లో ఉంచిన పిటిషన్‌పై సంతకాలు వెల్లువెత్తడంతో ఒకదశలో వెబ్‌సైట్ క్రాష్ అయ్యింది. వేల సంఖ్యలో బ్రిటన్‌వాసులు పిటిషన్‌పై సంతకాలు చేస్తున్నారు.
‘యూరోపియన్ యూనియన్‌లో ఉండాలా? విడిపోవాలా? అన్న అంశంపై రెఫరెండంలో మెజారిటీ 60 శాతంకంటే తక్కువ ఉన్నప్పుడు, పోలయిన ఓట్లు 75 శాతానికి తక్కువగా ఉన్నప్పుడు రెండోసారి రెఫరెండం నిర్వహించాలన్న నిబంధనను ఇప్పుడు అమలు చేయాలని కోరుతూ మేము సంతకాలు చేస్తున్నాం’ అని పిటిషన్‌లో ఉంది. గురువారం జరిగిన రెఫరెండంలో 51.9 శాతంమంది యూరోపియన్ నుంచి వైదొలగడానికి అనుకూలంగా ఓటేయగా, ఇయులోనే కొనసాగడానికి 48.1 శాతం మద్దతు తెలిపారు. కాగా, మొత్తం 72శాతం మంది రెఫరెండంలో పాల్గొన్నారు. కాగా, శనివారం ఈ పిటిషన్‌పై సంతకాలు చేసిన వారి సంఖ్య పది లక్షలను దాటేసింది. పిటిషన్‌పై సంతకాలు చేసిన వారిలో ఎక్కువమంది లండన్, బ్రిటన్, ఆక్స్‌ఫర్డ్, కేంబ్రిడ్జి, మాంచెస్టర్ ప్రాంతాలకు చెందిన వారే ఉన్నారు. యూరోపియన్ యూనియన్‌లో బ్రిటన్ కొనసాగాలని కోరుకుంటున్న వారిలో ఈ ప్రాంతాలకు చెందిన వారే ఎక్కువమంది ఉన్నారు. విలియమ్ ఆలివర్ హీలీ ఈ సంతకాల ఉద్యమాన్ని ప్రారంభించాడు.
సాధారణంగా అధికారిక పార్లమెంటు వెబ్‌సైట్‌లో నమోదయ్యే ఏదైనా పిటిషన్‌కు లక్షమందికి పైగా సంతకాలు వస్తే దాన్ని పార్లమెంటు దిగువ సభ కామన్స్‌లో చర్చిస్తారు. కాగా, ఇప్పుడు ఈ పిటిషన్‌కు అంతకన్నా పదిరెట్లు ఎక్కువ సంతకాలు వచ్చాయి. అందువల్ల పిటిషన్ తప్పకుండా కామన్స్ సభలో చర్చకొచ్చే అవకాశం ఉంది. అయితే పిటిషన్‌లో కోరినట్టుగా నిబంధనల్లో మార్పు అమల్లోకి వచ్చి మరోసారి రెఫరెండం నిర్వహిస్తారా? లేదా? అనేది వేచి చూడాల్సి ఉంది.
2014లో జరిగిన స్కాట్లాండ్ స్వాతంత్య్రానికి సంబంధించిన రెఫరెండంలో ఓడిపోయిన 45శాతం మంది కూడా ఇలాంటి ఉద్యమమే మొదలెట్టారు. ఇప్పుడు స్కాట్లాండ్‌లో రెండోసారి రెఫరెండం జరిగే అవకాశాలు కనిపిస్తున్నాయి. ఒరిజినల్ రెఫరెండం జరిగినప్పటికీ ఇప్పటికీ పరిస్థితిలో గణనీయమైన మార్పు వచ్చిందని, అందువల్ల దీనిపై మరోసారి చర్చించాల్సి ఉందని స్కాట్లాండ్ ఫస్ట్ మినిస్టర్ (ముఖ్యమంత్రి) నికోలా స్టుర్జియాన్ చెప్పడం గమనార్హం.
కాగా, మరోవైపు ఇయునుంచి వైదొలగడానికి అనుకూలంగా బ్రిటన్ ఓటు వేసిన తర్వాత లండన్‌ను స్వతంత్ర రాష్ట్రంగా ప్రకటించాలని లండన్ మేయర్‌ను కోరే మరో పిటిషన్‌పైనా వేలాదిమంది ఇప్పటికే సంతకాలు చేశారు. లండన్ ఒక గ్లోబల్ సిటీ అని, అది యూరప్ మధ్యలోనే ఉండాలని పిటిషన్‌ను ప్రారంభించిన జేమ్స్ ఓ మాల్లే అంటున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.