అంతర్జాతీయం
నులివెచ్చని చప్పుడు!
S ,7 à 8 RSCA (si SASPAS) et 6 cialis pharmacie cialis rapports de stage.
మాస్కో, జూలై 14: అవే కేరింతలు. ఆశ్చర్యపోయే కౌగిలింతలు. మాస్కో మైదానాల్లో స్పర్శకొచ్చిన అత్యద్భుత గుండె చప్పుళ్లివి. రష్యా గడ్డమీద నా దేశం జట్టుకు చోటుదక్కలేదన్న చిన్న అసంతృప్తి. దాన్ని మాయం చేస్తూ మాస్కో గుండెల్లో నా దేశానికి దక్కుతోన్న నులివెచ్చని స్పర్శ. ఇప్పటిదే కాకపోవచ్చు. మహాద్భుత సోవియట్ శకం నుంచీ ఆ స్పర్శ ఉండొచ్చు. కానీ, ఇప్పటికీ రష్యన్ల గుండెల్లో ‘జయహో’ అంటూ వినిపిస్తోన్న నినాదాల మధ్య సాగిన నెల రోజుల ప్రయాణం ఎప్పటికీ మధుర జ్ఞాపకమే. ప్రపంచకప్ మహా సంరంభం ముగింపునకు వచ్చింది. తిరుగుముఖం పట్టేందుకు సిద్ధమవుతోన్న ఇండియన్ల గుండెలనుంచి వినిపిస్తోన్న మధురానుభూతులివి. భారత జెండానో, దాన్ని ధరించిన పౌరుడినో చూడగానే విప్పారే రష్యా ముఖాలు. బాగా పరిచయమున్న రాజ్‌కఫూర్‌నో, మిథున్ చక్రవర్తినో చూస్తున్నంత ఆనందంతో పలికరింపులు. ‘్భరత్‌ను ప్రేమిస్తా. అక్కడి ఆహారాన్ని ఇష్టపడతా. ఇండియన్స్ అంటే చచ్చేంత ఇష్టం. వాళ్ల సినిమాలిష్టం. వాళ్లు ధరించే రంగులిష్టం. నా దగ్గర అమ్మే వస్తువుల్లో వాళ్లకెప్పుడూ డిస్కౌంట్ ఉంటుంది’. ఈ మాటలు ఎవరివో కాదు, మాస్కో వీధుల్లో మిట్రియోష్కా బొమ్మలమ్మేవాడివి. రష్యా కల్చర్‌ని ప్రతిబింబించే వాటిలో ఎక్కువ కొనేది ఇండియనే్ల. ‘ఒక తియ్యని అనుబంధమేదో ఇండియన్, రష్యన్ల మధ్య పెనవేసుకుని ఉంటుంది. నులివెచ్చని వాళ్ల చూపుల్లోనే ఆ విషయం మనకు అర్థమవుతుంది’ అంటున్నాడు ఓ టూరిస్ట్ గైడ్. ఫిఫా ప్రపంచకప్‌తో గత నెల రోజులుగా ఇండియన్ టూరిస్టులతో బిజీగా గడిపాడు అతను. అతని అంచనాల ప్రకారం రష్యాకు సహాజంగా వచ్చే ఇండియన్ టూరిస్టుల సంఖ్య, ఫిఫా ప్రపంచకప్ కారణంగా 30 శాతం పెరిగింది. ట్రావెల్ ఏజెన్సీల సమాచారం ప్రకారం ఈనెలలో ఇండియన్ టూరిస్టుల సంఖ్య 400 శాతం పెరిగినట్టు స్పుత్నిక్ న్యూస్ ఏజెన్సీ కథనాలు అందించింది. నిజానికి ప్రపంచకప్‌లో భారత జట్టు లేకపోయినా, భారత్ నుంచి రష్యాకు వెళ్లిన అభిమానుల సంఖ్యను ఇది తేటతెల్లం చేస్తోంది. ‘రష్యా ఎప్పటికీ గొప్ప ఆహ్వానిత ప్రదేశమే. ఫిఫా కోసం వచ్చిన పాశ్చాత్యులూ రష్యన్ల వెచ్చని కౌగిలింతల్లో ఆనందం వ్యక్తం చేశారు. కాకపోతే, ఫిఫా ప్రపంచకప్ కోసమే కాకపోయినా, రష్యాకు వచ్చే అవకాశముంటే భారతీయులు ఎగిరి గంతేస్తారు. రష్యన్ల మనసెరిగి మసలుకుంటారు. రష్యా టూర్‌లో భారతీయుల ఆనందమే వేరు’ అన్నది ఓ ఇండియన్ టూరిస్ట్ వ్యాఖ్య. ‘రష్యాకు వచ్చే టాప్ టూరిస్ట్ దేశాల జాబితాలో ఇండియా లేకపోవచ్చు. కానీ, రష్యన్ల గుండెల్లో ఎప్పటికీ భారత్‌కు ప్రథమ స్థానమే ఉంటుంది. అది బాలీవుడ్ సినిమా వల్ల కావొచ్చు, భారత్‌కు సోవియట్ ఎరాతోవున్న రాజకీయ సంబంధం కావొచ్చు. కారణం ఏదైనా ప్రత్యేకత మాత్రం ప్రత్యేకమే’ అన్నది ఓ టూర్ ఆపరేటర్ మాట. అందుకే ఫాన్స్-బెల్జియం మధ్య సెయింట్ పీటర్స్‌బర్గ్ మైదానంలో జరిగిన తొలి సెమీఫైనల్ స్టాండ్స్‌లో బాలీవుడ్ స్టార్ యాక్టర్ అమితాబ్ చిందులేశాడు. మాస్కో లుజ్నికి స్టేడియంలో క్రొయేషియా -ఇంగ్లాండ్ మధ్య జరిగిన మలి సెమీ ఫైనల్‌కు హాజరైన 78వేల అభిమానుల మధ్య ఫర్దీన్ ఖాన్ కనిపించాడు. ‘ఎంత చెప్పుకున్నా చెప్పుకోవాల్సింది చాలానే ఉంటుంది. ఆ నులివెచ్చని చప్పుళ్లను మనసు చెవులతో వినాలే తప్ప, మాటల్లో మాత్రం కాదు. సాకర్ సంరంభం ముగిసింది. భారత్‌కు బయలుదేరుతున్నా’ అంటూ లుజ్నికి స్టేడియంలో ఓ భారత అభిమాని తను గుండెచప్పుడు వినిపించాడు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.