అంతర్జాతీయం
హఫీజ్ బ్యాచ్ ఢమాల్!
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 26: పాకిస్తాన్ సార్వత్రిక ఎన్నికల్లో ఉగ్రవాద సంస్థలు, నిషేధిత గ్రూపులకు ఓటర్లు దిమ్మతిరిగే తీర్పు ఇచ్చారు. ముంబయిపై ఉగ్రదాడిలో సూత్రధారి హఫీజ్ సరుూద్ అల్లాహో అక్బర్ తెహ్రీక్ బ్యానర్‌పై నిలబడి మట్టికరిచాడు. పెద్ద ఎత్తున ఎన్నికల ప్రచారం చేసినా ఓటర్లు ఉగ్రవాద సంస్థలను దక్కరకు రానీయలేదు. ఉగ్రవాద సంస్థలతో ప్రత్యక్షంగానూ పరోక్షంగానూ సంబంధాలున్న వందలాది మంది జాతీయ అసెంబ్లీ ఎన్నికల్లో పోటీచేసినా భంగపాటే ఎదురైంది. ఏదో ఒక్కరిద్దరికి మంచి ఓట్లు వచ్చాయే తప్ప అందరూ ప్రజల తిరస్కారానికి గురయ్యారు. వౌలానా మహ్మద్ అహ్మద్ లుధియన్వీకి ఓట్లు బాగానే పడ్డాయి. ఎన్నికల ముందే అతడి గ్రూపుపై నిషేధాజ్ఞలు ఎత్తివేసి పోటీకీ అనుమతి లభించింది. జియో టీవీ కథనం ప్రకారం లుధియన్వీకి 45వేల పైచిలుకు ఓట్లు లభించాయి. సరుూద్‌తో పార్టీ అనుబంధ గ్రూపు మిలి ముస్లిం లీగ్ నుంచి డజన్ల కొద్దీ అభ్యర్థులు పోటీ చేసి పరాజయం పాలయ్యారు. హఫీజ్ ఎన్నో సభల్లో విస్తృతంగా ప్రచారం చేశాడు. పార్టీ తరఫున ఎక్కువ మందినే ఎన్నికల్లో నిలబెట్టాడు. అయితే ఒక్కరు కూడా గెలవలేదు. హఫీజ్ సరుూద్ కుమారుడు హఫీజ్ తల్హా సరుూద్ ఎన్‌ఏ-91 సీటు సర్గ్ధో నుంచి పోటీ చేశాడు. లాహోర్‌కు 200కిమీ దూరంలో సర్గ్ధో ఉంది. జమాద్ ఉద్ దవా చీఫ్ అల్లుడు ఖలీద్ వలీద్ పీపీ-167 సీటు నుంచి పోటీచేశాడు. ఇక తెహ్రీక్ ఏ లబైక్ పాకిస్తాన్(టీఎల్‌పీ) సున్నీ గ్రూపువంద మందిని పోటీకి నిలబెట్టినా ఫలితం దక్కలేదు. ముతాహిదా మజ్లిస్ ఏ అమ్ల(ఎంఎంఏ) కూడా అనేక మందిని ఎన్నికల బరిలో నిలబెట్టినా ఓటర్లు ఆదరించలేదు. మతపెద్ద వౌలానా ఫజ్లుర్ రెహ్మాన్ విస్తృతంగా ప్రచారం చేసినా భంగపాటు తప్పలేదు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.