అంతర్జాతీయం
పాక్‌లో సుస్థిర ప్రభుత్వం డౌటే!
S ,7 à 8 RSCA (si SASPAS) et 6 cialis pharmacie cialis rapports de stage.
కరాచీ, జూలై 27: పాకిస్తాన్ జాతీయ అసెంబ్లీకి సార్వత్రిక ఎన్నికలు జరిగినా సుస్థిర ప్రభుత్వం ఏర్పడుతుందనే నమ్మకాలు అంతంత మాత్రమే. దేశ వ్యాప్తంగా ఈ నెల 25వ తేదీన జరిగిన ఎన్నికల్లో పెద్ద ఎత్తున రిగ్గింగ్‌కు పాల్పడ్డారనే ఆరోపణలు వెల్లువెత్తుతున్నాయి. ఈ ఎన్నికల్లో వివిధ పార్టీలకు చెందిన అనేక మంది సీనియర్లు ఓటమి పాలయ్యారు. వీరందరూ ఏకతాటిపైకి వచ్చి సంఘటితంగా పోరాడే అవకాశాలు లేకపోలేదని రాజకీయ విశే్లషకులంటున్నారు. ఎన్నికల ఫలితాలను చూసి ప్రధానమైన రాజకీయ పార్టీలు ఖంగు తిన్నాయి. రిగ్గింగ్ వల్లనే ఓటమి చెందామని ఈ పార్టీలు భావిస్తున్నాయి. ఓట్ల లెక్కింపు విధానంపై రాజకీయ పార్టీలు అనుమానాలు వ్యక్తం చేస్తున్నాయి. పాకిస్తాన్ కేంద్ర ఎన్నికల సంఘం ప్రకటించిన వివరాలను చూస్తే ఇమ్రాన్ ఖాన్ పార్టీ పీటీఐకు 119 సీట్లు వచ్చాయి. ఈ పార్టీనే కొత్త ప్రభుత్వాన్ని ఏర్పాటు చేయనుంది. మొదటి నుంచి తమకు పట్టున్న ప్రాంతాల్లో, సీట్లలో పీఎంఎల్ ఎన్, భుట్టో పార్టీలు ఓటమి చెందాయి. ఈ నేపథ్యంలో పాకిస్తాన్ రాజకీయాలు ఏ దిశగా పయనిస్తాయో ఇప్పుడే చెప్పలేని పరిస్థితి నెలకొంది. ఇమ్రాన్ ఖాన్ పార్టీయేతర పార్టీల నేతలు రిగ్గింగ్ అంశంపై దేశవ్యాప్తంగా ర్యాలీలు నిర్వహించే అవకాశాలున్నాయి. ఈ ఉద్యమం ఇమ్రాన్‌ఖాన్‌కు సవాలు విసరనుందని రాజకీయ విశే్లషకులు ఓమైర్ అలావీ చెప్పారు. పంజాబ్ అసెంబ్లీలో 122 సీట్లు తెచ్చుకున్న పీఎంఎల్ నవాజ్ పార్టీ ఇప్పటికే జాతీయ అసెంబ్లీకి జరిగిన ఎన్నికలను తిరస్కరించింది. ఈ పార్టీకి జాతీయ అసెంబ్లీలో 68 సీట్లు వచ్చాయి. పాకిస్తాన్ పీపుల్స్ పార్టీ (్భట్టో) కూడా ఎన్నికల లెక్కింపు తీరును దుయ్యబట్టింది. కరాచీలో పీపీపీకి గట్టి కోటగా భావించే లైరి నియోజకవర్గంలో ఆ పార్టీ అధినేత బిలావల్ భుట్టో ఓటమి చెందారు. భుట్టో కేపీకే ప్రొవివ్స్‌లో మల్కాండ్ సీటులో కూడా ఓటమి చెందినా, చివరకు సింధ్‌లో లార్కానా సీటులో నెగ్గారు. మతతత్వ పార్టీలుగా ముద్రపడిన జమాత్ ఉలేమా ఇస్లాం, తెహరిక్ ఇ-లబైక్ పార్టీలు కూడా రిగ్గింగ్‌పై ధ్వజమెత్తాయి. ఇమ్రాన్ ఖాన్ రాజకీయ ప్రత్యర్థి వౌలానా ఫజలుర్ రెహమాన్ కూడా ఓటమి చెందారు. ఎన్నికల జరిగిన తీరుపై నిప్పులు చెరిగారు. ఎన్నికల ఫలితాలను చూసిన రాజకీయ పార్టీలు విశే్లషణలో పడ్డాయి. ఈ దిశగా ఈ వారమంతా సమావేశాలను ఏర్పాటు చేశాయి. కరాచీలోని లైరి సీటు పీపీపీకి పెట్టని కోట. కాని ఇక్కడ భుట్లో ఓటమి చెందడాన్ని ఆ పార్టీ నేతలు జీర్ణించుకోలేకపోతున్నారు. ఎన్నికల ఫలితాలను చూసిన తర్వాత కరాచీ ప్రెస్ క్లబ్ వెలుపల ఇమ్రాన్ వ్యతిరేక పార్టీలు నిరసన కార్యక్రమాలను నిర్వహించాయి. ఎంక్యుఎం పార్టీకి చెందిన సీనియర్ నేత డాక్టర్ ఫరూక్ సత్తార్ ఓటమి చెందాడు. దీంతో ఆ పార్టీ నేతలు షాక్‌కు గురయ్యారు. ఈ పార్టీ వ్యవస్థాపకుడు ఆల్ట్ఫా హుస్సేన్ ఇప్పటికీ లండన్‌లో ఉన్నాడు. దీంతో ఆ పార్టీ రెండు ముక్కలైంది. కాని ఈ పార్టీకి కరాచీలో పట్టుంది. గత ఎన్నికల తీరును చూస్తే, ఈ పార్టీ చీలిక వర్గ నేత సత్తార్‌కు ఒక లక్ష ఓట్లు ఎప్పుడూ పోలయ్యేవి. కాని ఈ సారి 36వేల ఓట్లు మాత్రమే వచ్చాయి.
చిత్రం..ఇమ్రాన్ ఖాన్
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.