అంతర్జాతీయం
అతి పెద్ద పార్టీగా పీటీఐ
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 28: పాకిస్తాన్ జాతీయ అసెంబ్లీకి కొద్దిరోజుల కిందట జరిగిన సాధారణ ఎన్నికల్లో మాజీ క్రికెటర్, పాకిస్తాన్ తెహ్రిక్-ఇ-ఇన్సాఫ్ (పీటీఐ) అధ్యక్షుడు ఇమ్రాన్ ఖాన్ నాయకత్వంలోని పార్టీ 116 స్థానాలు సాధించి అతిపెద్ద ఏకైక పార్టీగా ఆవిర్భవించింది. దేశంలోని మొత్తం 270 పార్లమెంటరీ నియోజకవర్గాలకు ఈ నెల 25న సాధారణ ఎన్నికలు నిర్వహించారు. శనివారం అధికారికంగా తుది ఫలితాలను వెల్లడించగా, ఇమ్రాన్ ఖాన్ నేతృత్వంలోని పాకిస్తాన్ తెహ్రిక్-ఇ-ఇన్సాఫ్ (16,857,035 ఓట్లుతో) అత్యధిక స్థానాలను కైవసం చేసుకుంది. తుది ఫలితాలను పాక్ ఎన్నికల కమిషన్ ప్రకటించింది. వాస్తవానికి ఎన్నికలు జరిగిన వెంటనే ఫలితాలను వెల్లడించాల్సి ఉంది. కానీ ఎన్నికల్లో పోటీ చేసి పరాజయం పాలైన కొన్ని పార్టీలు ఓటింగ్‌లో అక్రమాలు జరిగాయని ఆందోళన, ఆగ్రహం, ఆరోపణలు చేసిన నేపథ్యంలో తుది ఫలితాల వెల్లడిలో కాస్త జాప్యం జరిగింది. ప్రస్తుతం పాక్ జైలులో నిర్బంధంలో ఉన్న మాజీ ప్రధాని నవాజ్ షరీఫ్ నాయకత్వంలోని పాకిస్తాన్ ముస్లిం లీగ్-నవాజ్ (పీఎంఎల్-ఎన్) పార్టీ 64 స్థానాల్లో గెలుపొంది రెండో స్థానంలో నిలిచింది. ఈ పార్టీకి 12,894,225 ఓట్లు దక్కాయి. పాక్ మాజీ అధ్యక్షుడు ఆసిఫ్‌ఇ అలీ జర్దారీ నాయకత్వంలోని పాకిస్తాన్ పీపుల్స్ పార్టీ (పీపీపీ) 43 స్థానాలతో మూడో స్థానంలో నిలిచింది. ఈ పార్టీకి 6,894,296 ఓట్లు లభించాయి. ముత్తాహిదా మజ్లిస్-ఇ- అమల్ పాకిస్తాన్ (ఎంఎంఏపీ) 13 స్థానాలతో నాలుగో స్థానంలో నిలిచింది. ఈ పార్టీకి 2,530,452 ఓట్లు దక్కాయి. తెహ్రీక్-ఇ-లబైక్ పార్టీకి 2,191,679 ఓట్లు, అల్లాహో-అక్బర్ తెహ్రీక్ పార్టీకి 171,441 ఓట్లు దక్కాయని పాక్ ఎన్నికల కమిషన్ వెల్లడించింది.
అయితే, ఈ సాధారణ ఎన్నికల్లో గెలుపొందిన 13 మంది ఇండిపెండెంట్ అభ్యర్థులు ప్రస్తుతం అత్యంత కీలకం కానున్నారు. ప్రస్తుతం 116 అధ్యధిక స్థానాలతో అగ్రస్థానంలో నిలిచిన ఇమ్రాన్ ఖాన్ నాయకత్వంలోని పీపీపీ ఇండిపెండెంట్ల మద్దతు లభిస్తే అతి పెద్ద పార్టీగా కేంద్రంలో ప్రభుత్వాన్ని ఏర్పాటు చేసేందుకు అవకాశం ఉంటుంది. ఇదిలావుండగా, కరాచీలోని ముత్తాహిదా క్వామీ మూమెంట్ పాకిస్తాన్ (ఎంక్యూఎంపీ) గత కొన్ని దశాబ్దాలుగా నగరాన్ని శాసిస్తోంది. ప్రస్తుతం ఈ పార్టీకి జాతీయ అసెంబ్లీలో కేవలం ఆరు సీట్లు మాత్రమే దక్కాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.