అంతర్జాతీయం
ఆగస్టు 14న ఇమ్రాన్ ప్రమాణం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్: పాకిస్తాన్ స్వాతంత్య్రదినోత్సవం రోజు ఆగస్టు 14వ తేదీన ప్రధానమంత్రిగా పీటీఐ పార్టీ అధినేత, మాజీ క్రికెటర్ ఇమ్రాన్ ఖాన్ ప్రమాణ స్వీకారం చేస్తారు. దేశంలో కొత్త ప్రభుత్వాన్ని తమ పార్టీ ఏర్పాటు చేస్తుందని, మద్దతు కోసం ఇతర పార్టీలను సంప్రదిస్తున్నామని పీటీఐ పార్టీ ప్రకటించింది. ఈ నెల 25వ తేదీన జరిగిన ఎన్నికల్లో పీటీఐ 116 సీట్లు తెచ్చుకుని అతి పెద్ద పార్టీగా అవతరించంది. కాని ఈ పార్టీకి పూర్తి మెజార్టీ రాలేదు. మరో 57 మంది మద్దతు కోసం ఇమ్రాన్ ఖాన్ వేటను ప్రారంభించారు. ఆట మొదలైందని, పూర్తి మద్దతును కూడగట్టుకునేందుకు ప్రయత్నాలను ముమ్మరం చేస్తున్నట్లు పీటీఐ పార్టీ నేత నీనుల్ హక్ తెలిపారు. ఈ ఎన్నికల్లో పీటీఐకు 116, నవాజ్ పార్టీకి 64 సీట్లు, భుట్టో పార్టీకి 43 సీట్లు వచ్చాయి. మద్దతు కోసం చిన్న చితకా పార్టీలతో సంప్రదింపులు చేస్తామని, మంచి వాతావరణంలో చర్చలు జరుగుతున్నాయని పీటీఐ పార్టీ వర్గాలు తెలిపాయి. ఎంక్యుఎం, పీఎంఎల్ క్యు, అవామీ ముస్లిం లీగ్, ఇంకా ఇండిపెండెంట్ల మద్దతు ఇస్తారని ఆశిస్తున్నట్లు ఇమ్రాన్ ఖాన్ పార్టీ పేర్కొంది. కాగా ఇమ్రాన్ పార్టీని ఏకాకిని చేసేందుకు నవాజ్ పార్టీ, భుట్టో పార్టీల ప్రతినిధులు త్వరలో సమావేశం జరగనుంది. కాగా ఇమ్రాన్ ఖాన్ మంత్రివర్గంలో ఎవరికి ఏ స్థానం లభిస్తుందనే విషయమై ఊహాగానాలు పెరిగాయి. ఇమ్రాన్ ఖాన్ ఐదు సీట్లలో గెలిచారు. ఆయన ఒక సీటును నిలబెట్టుకుని మిగిలిన నాలుగు సీట్లను వదులుకోవాల్సి ఉంటుంది. తక్షసిల నుంచి ఎన్నికైన పీటీఐ అభ్యర్థి గౌలం సర్వార్ ఖాన్ కూడా రెండు సీట్లలో నెగ్గారు. ఆయన కూడా ఒక సీటు వదులుకోవాల్సి ఉంటుంది. కూడికలు, తీసివేతలు పోతే, ఇమ్రాన్ పార్టీ బలం 109కి పరిమితమవుతుందని రాజకీయ విశే్లషకులంటున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.