అంతర్జాతీయం
నడిరోడ్డుపై బ్యాలెట్ బాక్స్‌లు
S ,7 à 8 RSCA (si SASPAS) et 6 cialis pharmacie cialis rapports de stage.
కరాచీ, జూలై 29: పాకిస్తాన్ సార్వత్రిక ఎన్నికల్లో అక్రమాలు జరిగాయన్న విపక్షాల ఆందోళనకు బలం చేకూరే విధంగా కరాచీ, సియాల్‌కోట నగరాల వద్ద ఖాళీ బ్యాలెట్ బాక్సులు, బ్యాలెట్ పేపర్లు లభించాయి. దీంతో ఈ ఎన్నికల్లో రిగ్గింగ్ జరిగిందనే ఆరోపణలు నిజమేనంటూ ప్రతిపక్ష పార్టీలు ఆరోపణలతో దాడిని తీవ్రం చేశాయి. కాగా ఈ ఎన్నికల్లో స్వేచ్ఛపై ఆంక్షలు విధించారని, అభ్యర్థులు ప్రచారం చేసుకునేందుకు సమానావకాశాలు ఇవ్వలేదని ఎన్నికల పరిశీలకులుగా వచ్చిన ఐరోపా యూనియన్ ప్రకటించింది. ఈ ఎన్నికల్లో ఇమ్రాన్ పార్టీకి 116 సీట్లు వచ్చిన విషయం విదితమే. ఈ ఎన్నికల ఫలితాలను తిరస్కరిస్తున్నట్లు ఇప్పటికే నవాజ్ పార్టీ ప్రకటించింది. ఈ ఎన్నికల్లో పారదర్శకత లోపించిందని, మళ్లీ ఎన్నికలు నిర్వహించాలని నవాజ్ పార్టీ కోరింది. కాగా సియాల్‌కోట, కరాచీ రోడ్లపై దొరికిన ఖాళీ బ్యాలెట్ బాక్స్‌లపై పీపీపీ అభ్యర్థి మొజ్జమ్ అలీ ఖురేషి పోలీసులకు ఫిర్యాదు చేశారు. కరాచీలో ఖయ్యూమాబాద్ ఏరియాలో చెత్తకుండీ వల్ల ఖాళీ బ్యాలెట్ బాక్సులు దొరికాయని ఆయన ఫిర్యాదులో పేర్కొన్నారు. ఈ వివరాలను పోలీసు డీఐజీ అమీర్ ఫరూకీ తెలిపారు. ఈ విషయమై సంబంధిత జిల్లా రిటర్నింగ్ అధికారిని విచారణకు ఆదేశించాలని డిఐజిని ప్రభుత్వం కోరినట్లు సమాచారం. సియాల్‌కోట్ కంటోనె్మంట్ ఏరియాలో కాశ్మీర్ పార్కు వద్ద ఐదు ఖాళీ బ్యాలెట్ బాక్సులు, 12 బ్యాలెట్ పత్రాలు దొరికాయి. గుర్తు తెలియని వ్యక్తులు వీటిని పారేసి ఉంటారని పోలీసులు అనుమానిస్తున్నారు. కాగా ఈ నియోజకవర్గంలో ఓటమి చెందిన ఇమ్రాన్ ఖాన్ పార్టీ అభ్యర్థి ఉస్మాన్ దర్ ఈ విషయం తెలిసిన వెంటనే ఘటనా ప్రదేశానికి వెళ్లారు. ఇక్కడ ఎన్నికల్లో నవాజ్ పార్టీ అభ్యర్థి గెలిచారు. ఈ బ్యాలెట్ బాక్సులను నవాజ్ పార్టీ అభ్యర్థి పారవేసి ఉంటారని ఇమ్రాన్ పార్టీ ఆరోపించింది. ఈ ఆరోపణలను నవాజ్ పార్టీ తోసిపుచ్చింది.
కాగా ఐరోపా యూనియన్‌కు చెందిన అధికారులు ఎన్నికల పరిశీలకులుగా వ్యవహరించి తమ నివేదికను ఇచ్చారు. జర్నలిస్టుల కదలికలపై ఆంక్షలు విదించారని పేర్కొన్నారు. రిగ్గింగ్, ఆంక్షలు విధించామన్న ఆరోపణలను పాకిస్తాన్ ఎన్నికల సంఘం తోసిపుచ్చింది. కాగా ఇమ్రాన్ ఖాన్ పార్టీకి సైనిక మద్దతు ఉందని, అందుకే గెలిచారని వివిధ రాజకీయ విశే్లషకులు చెబుతున్నారు. 172 సీట్లు లభిస్తేనే ప్రభుత్వాన్ని ఏర్పాటు చేసే అవకాశం ఉంది. కాని ఈ ఎన్నికల్లో 116 సీట్లను నెగ్గి ఏకైక పెద్ద పార్టీగా అవతరించిన ఇమ్రాన్ పార్టీ పీటీఐకు ఇండిపెండెంట్లు,చిన్న పార్టీలనుంచి మద్దతు అవసరమవుతోంది. వీరి సహకారం కోసం ఇమ్రాన్ ఖాన్ ఇప్పటికే పెద్ద ఎత్తున లాబీయింగ్ చేస్తున్నట్లు సమాచారం.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.