అంతర్జాతీయం
ప్రధానిగా నేడు ఇమ్రాన్ ఖరారు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 5: పాకిస్తాన్ ఎన్నికల్లో అతి పెద్ద పార్టీగా అవతరించిన తెహ్రీక్-ఏ-ఇన్సాఫ్ పార్టీ అధినేత ఇమ్రాన్ ఖాన్‌ను ప్రధానమంత్రి అభ్యర్థిగా సోమవారం ప్రకటించేందుకు రంగం సిద్ధమైంది. ఈమేరకు ఈ పార్టీ వర్గాలు ఆదివారం స్పష్టమైన సంకేతాలను అందించడంతోపాటు ఇమ్రాన్ తన తొలి మంత్రివర్గాన్ని 15 నుంచి 20 మందితో ఏర్పాటు చేయవచ్చునని స్పష్టం చేశాయి. అయితే, దేశ ప్రధానిగా ఇమ్రాన్ ఎప్పుడు ప్రమాణ స్వీకారం చేస్తారన్నదానిపై ఇప్పటివరకు వివిధ తేదీలు తెరపైకి వచ్చినప్పటికీ పాకిస్తాన్ స్వాతంత్య్ర దినోత్సవం రోజైన 14వ తేదీనే ఆయన పదవీ బాధ్యతలు చేపట్టే అవకాశం ఉందన్న సంకేతాలు స్పష్టమవుతున్నాయి. ఇస్లామాబాద్‌లోని ఓ హోటల్‌లో తమ పార్లమెంటరీ పార్టీ సమావేశం జరుగుతుందని, అక్కడే దేశ ప్రధానిగా ఇమ్రాన్‌ను ఎన్నుకోవడం జరుగుతుందని పార్టీ ప్రతినిధి ఫవాగ్ చౌదరిని ఉటంకిస్తూ జియో న్యూస్ చానల్ తెలిపింది. ప్రభుత్వాన్ని సొంతంగా ఏర్పాటు చేయడానికి అవసరమైన సంఖ్యాబలం లేనప్పటికీ ఇతర పార్టీ ల మద్దతును కూడగట్టుకోవడం ద్వారా తగిన మెజారిటీని తమ పార్టీ సంతరించుకుందని తెలిపారు. కొందరు స్వతంత్ర అభ్యర్థులు మద్దతు ప్రకటించడంతో ఇమ్రాన్ పార్టీ బలం జాతీయ అసెంబ్లీలో 125కు పెరిగింది. అలాగే మిగతా మిత్రపక్షాలు రిజర్వు స్థానాలను కలుపుకుంటే 174కు చేరుకుంటుందని వెల్లడించారు. మరోపక్క బలూచిస్తాన్ జాతీయ పార్టీ కూడా తమకు మద్దతు ప్రకటించిందని, దీంతో తమ బలం 177కు చేరే అవకాశం కూడా ఉందని ఆయన వెల్లడించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.