అంతర్జాతీయం
పాక్ ప్రధానిగా ఇమ్రాన్ ఎన్నిక
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 17: పాకిస్తాన్ కొత్త ప్రధానమంత్రిగా మాజీ క్రికెట్ స్టార్, పీటీఐ పార్టీ అధినేత ఇమ్రాన్ ఖాన్ ఎన్నికయ్యారు. జాతీయ అసెంబ్లీలో ప్రధానమంత్రి పదవి కోసం పీటీఐ పార్టీ తరఫున ఇమ్రాన్ ఖాన్, పీఎంఎల్ నవాజ్ పార్టీ నుంచి షాబాజ్ షరీఫ్ పోటీపడ్డారు. కాగా ఓటింగ్ సమయంలో పీపీపీకి చెందిన 54 మంది సభ్యులు సభ నుంచి వెళ్లిపోయారు. అనంతరం ఓటింగ్‌లో 176 ఓట్లు ఇమ్రాన్ ఖాన్‌కు, నవాజ్ పార్టీ అభ్యర్థి షాబాద్ షరీఫ్‌కు 96 ఓట్లు పోలయ్యాయి. అనంతరం నేషనల్ అసెంబ్లీ సభా నేతగా, ప్రధానమంత్రిగా ఇమ్రాన్ ఖాన్ ఎన్నికైనట్లు స్పీకర్ అసాద్ ఖైసీర్ ప్రకటించారు. కాగా ఇమ్రాన్ ఎన్నిక పట్ల నవాజ్ షరీఫ్ పార్టీకి చెందిన సభ్యులు నిరసనలు వ్యక్తం చేసి సభలో నినాదాలు చేశారు. పాకిస్తాన్ జాతీయ అసెంబ్లీలో 342 మంది సభ్యులున్నారు. ప్రభుత్వం ఏర్పాటు చేయాలంటే 172 మంది మద్దతు అవసరం. కాగా ఇమ్రాన్ ఖాన్‌కు 176 ఓట్లు వచ్చాయి. కాగా ఓటింగ్‌లో జమాతే ఇస్లామీ పార్టీ పాల్గొనలేదు. ఓటింగ్‌లో ఇమ్రాన్‌కు అనేక చిన్న పార్టీలు మద్దతు తెలిపాయి. ఎంక్యుఎం, బెలూచిస్తాన్ అవామీ పార్టీ, బలూచిస్తాన్ నేషనల్ పార్టీ, పకిస్తాన్ ముస్లిం లీగ్, గ్రాండ్ డెమాక్రటిక్ అలయెన్స్, అవామీ ముస్లిం లీగ్, జమోరి వాటన్ పార్టీలు మద్దతు తెలిపాయి. పీపీపీ పార్టీ ఓటింగ్‌కు గైర్హాజరుకాకుండా నవాజ్ పార్టీ ప్రతినిధులు చేసిన ప్రయత్నాలు ఫలించలేదు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.