అంతర్జాతీయం
జాదవ్ కేసులో బలమైన రుజువులు
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 23: భారత నౌక దళమాజీ అధికారి కులభూషణ్ జాదవ్ పాక్ గడ్డపై గూఢాచర్యానికి పాల్పడ్డారని చెప్పేందుకు గట్టి ఆధారాలు ఉన్నాయని పాకిస్తాన్ విదేశాంగ శాఖ మంత్రి షా మహమ్మద్ ఖురేషి చెప్పారు. అంతర్జాతీయ న్యాయస్థానంలో జాదవ్‌పైన అభియోగాలపై విచారణ జరుగుతోందన్నారు. 2017 ఏప్రిల్‌లో పాకిస్తాన్ కోర్టు జాదవ్‌పై వచ్చిన అభియోగాలను విచారించి మరణశిక్షను ఖరారు చేసింది. కాగా ఈ కేసుపై అంతర్జాతీయ న్యాయ స్థానంలో భారత్ ప్రభుత్వం పిటిషన్ దాఖలు చేసింది. దీంతో ఈ కేసు విచారణ కొనసాగుతోంది. ఇప్పటికే పాకిస్తాన్ ప్రభుత్వం కులభూషణ్ జాదవ్‌పై అభియోగాలకు సంబంధించి రుజువులను న్యాయస్థానానికి సమర్పించినట్లు ఆయన చెప్పారు. ఈ కేసులో పాకిస్తాన్ తప్పనిసరిగా గెలిచి తీరుతుందన్నారు. ఈ కేసులో పాకిస్తాన్ తిరుగులేని ఆధారాలను సంపాదించిందన్నారు. పంజాబ్‌లోని ముల్తాన్ పట్టణంలో మంత్రి ఖురేషీ గురువారం విలేఖర్లతో మాట్లాడుతూ అంతర్జాతీయ స్థానంలో జాదవ్‌పై వచ్చిన అభియోగాలకు సంబంధించి అవసరమైన డాక్యుమెంట్లను సమర్పించామన్నారు. చర్చల ద్వారా కాశ్మీర్ సమస్యకు పరిష్కారం దొరుకుతుందన్నారు. చర్చలకు తమ ప్రభుత్వం సిద్ధంగా ఉందన్నారు. 2016 మార్చి నెలలో బెలూచిస్తాన్ ప్రావిన్స్‌లో కులభూషణ్ జాదవ్‌ను అరెస్టు చేసినట్లు చెప్పారు. పాకిస్తాన్ చేసిన అన్ని ఆరోపణలను ఇప్పటికే భారత్ తిరస్కరించింది. జాదవ్‌ను ఇరాన్‌లో కిడ్నాప్ చేసి బెలూచిస్తాన్‌లో అరెస్టు చేసినట్లు పాక్ అవాస్తవాలు ప్రచారం చేస్తోందని భారత్ పేర్కొంది. నేవీలో రిటైర్డయిన తర్వాత జాదవ్ వ్యాపారాలు చేస్తున్నారని, అందులో భాగంగా ఇరాన్‌కు వెళ్లారని భారత్ పేర్కొంది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.